- తరువాతి స్థానాల్లో బెంగళూరు, ఢిల్లీ, కోల్కతా
న్యూఢిల్లీ : మనదేశంలో ఈ ఏడాదిలో అత్యధిక హోటల్ బుకింగ్స్ హైదరాబాద్లోనే జరిగాయని హాస్పిటాలిటీ కంపెనీ ఓయో తెలిపింది. ఎక్కువ మంది దర్శించిన పుణ్యక్షేత్రాల లిస్టులో పూరి, వారణాసి, హరిద్వార్ ఉన్నాయని ఓయో ‘ట్రావెల్పీడియా 2024’ వెల్లడించింది. దీని ప్రకారం.. దేవ్గఢ్, పళని, గోవర్దన్ ప్రాంతాల్లోనూ రద్దీ బాగానే ఉంది. బుకింగ్స్లో హైదరాబాద్తరువాత స్థానంలో బెంగళూరు, ఢిల్లీ, కోల్కతా నిలిచాయి.
మహారాష్ట్ర, తెలంగాణ, కర్ణాటకలో ఖరీదైన హోటల్స్ బుకింగ్స్ భారీగా ఉన్నాయి. పట్నా, రాజమండ్రి, హుబ్లి వంటి చిన్న నగరాల్లోనూ బుకింగ్స్పెరుగుతూనే ఉన్నాయి. ఇవి వార్షికంగా 48 శాతం అధికమయ్యాయి. సెలవుల కోసం ఎక్కువ మంది జైపూర్ను ఎంచుకున్నారు. తరువాతి స్థానాల్లో గోవా, పుదుచ్చేరి, మైసూర్ ఉన్నాయి. ముంబైలో మాత్రం బుకింగ్స్ తగ్గాయి.
