గ్లోబల్‌‌‌‌‌‌‌‌ కేపబిలిటీ సెంటర్లకు కేరాఫ్ హైదరాబాద్

ప్రస్తుతం సిటీలో 16.. 2030 నాటికి రెట్టింపు
హైదరాబాద్లో ఆఫీసుల ఏర్పాటుకు సంస్థల మొగ్గు
ఇక్కడి జీసీసీల్లో పని చేసేందుకు యువత ఆసక్తి
కెరీర్ నెట్ సంస్థ స్టడీలో వెల్లడి

హైదరాబాద్, వెలుగు: గ్లోబల్ కేపబిలిటీ సెంటర్లకు (జీసీసీ) హైదరాబాద్ డెస్టినేషన్గా మారుతున్నది. బ్యాంకింగ్, ఫైనాన్షియల్సర్వీసెస్, ఇన్సూరెన్స్(బీఎఫ్ఎస్ఐ) రంగాలకు చెందిన జీసీసీలకు హైదరాబాద్ కేరాఫ్గా నిలుస్తున్నది. 2030 నాటికి ఆయా రంగాల్లోని జీసీసీలు సిటీలో డబుల్ కానున్నాయి. ప్రస్తుతం హైదరాబాద్లో బీఎఫ్ఎస్ఐ జీసీసీలు 16 ఉండగా, 2030 నాటికి వాటి సంఖ్య 32కు పెరగనుంది.

కెరీర్ నెట్అనే సంస్థ తాజాగా విడుదల చేసిన ఓ అధ్యయనంలో ఈ విషయం వెల్లడైంది. జీసీసీల్లో పనిచేసే వారి సంఖ్య కూడా గణనీయంగా పెరుగుతున్నదని స్టడీ వెల్లడించింది. ప్రస్తుతం దేశవ్యాప్తంగా 20 లక్షల మంది జీసీసీల్లో పని చేస్తుండగా.. వారిలో 25 శాతం మంది హైదరాబాద్లోనే ఉన్నారు. అంటే దాదాపు 5 లక్షల మంది దాకా వాటిలో అవకాశాలను పొందారు. ఈ 5 లక్షల మందిలో బీఎఫ్ఎస్ఐ రంగానికి చెందినవారే 8 శాతం మంది ఉంటారని స్టడీ అంచనా వేసింది.

దేశంలోనూ డబుల్..

ప్రస్తుతం దేశవ్యాప్తంగా బీఎఫ్ఎస్ఐ రంగాల్లో 120 జీసీసీలు ఉన్నాయి. ఇవి 2030 నాటికి 250కి పెరుగుతాయని కెరీర్నెట్ స్టడీ వెల్లడించింది. ఇక ప్రస్తుతం ఉన్న బీఎఫ్ఎస్ఐ జీసీసీల్లో బెంగళూరులో అత్యధికంగా 42 ఉండగా, ఆ తర్వాత ఢిల్లీలో 22, హైదరాబాద్లో 16 ఉన్నాయి.

జీసీసీల విషయంలో హైదరాబాద్ మూడో స్థానంలో ఉన్నా.. ప్రస్తుతం చాలా కంపెనీలు హైదరాబాద్లోనే ఆఫీస్ ఏర్పాటుచేసుకునేందుకు ఆసక్తి చూపిస్తున్నాయని స్టడీ తెలిపింది. ఎక్కువ మంది యువత హైదరాబాద్జీసీసీల్లోనే పనిచేసేందుకు మొగ్గు చూపుతున్నట్టు పేర్కొంది.

జీసీసీలపైనే ఫోకస్..

అన్ని రంగాల్లో కలిపి ప్రస్తుతం దేశంలో 1,600 జీసీసీలు ఉన్నాయి. టీమ్లీజ్ డిజిటల్ అనే సంస్థ రిపోర్ట్ప్రకారం.. 2025 చివరి నాటికి దేశంలో జీసీసీల సంఖ్య 1,900కు పెరిగే అవకాశం ఉంది. ఆయా సంస్థలు ఫ్రెషర్లను రిక్రూట్ చేసుకునేందుకే మొగ్గు చూపే అవకాశాలు ఉన్నట్టు ఆ సంస్థ నివేదిక తేల్చింది.

ఫ్రెషర్హైరింగ్ 48 శాతం పెరిగే చాన్స్ఉన్నట్టు వెల్లడించింది. వారికి ఆరు నెలల నుంచి ఏడాది పాటు ఇంటర్న్షిప్ప్రోగ్రామ్కింద ట్రైనింగ్ ఇస్తారని తెలిపింది. టీసీఎస్40 వేల మంది ఫ్రెషర్స్ను, ఇన్ఫోసిస్ 15,000 నుంచి 20,000 వరకు ఫ్రెషర్లను రిక్రూట్చేసుకునే అవకాశం ఉన్నట్టు పేర్కొంది.

హెచ్సీఎల్, విప్రో వంటి సంస్థలూ జీసీసీల్లో రిక్రూట్మెంట్ను పెంచుకుంటాయని వెల్లడించింది. సగటు జీతం ఇంటర్న్లకు రూ.5.5 లక్షల వరకు ఇవ్వొచ్చని తెలిపింది. ఇంటర్న్షిప్ అయ్యాక ఏడాదికి రూ.11 లక్షల వరకు వేతన ప్యాకేజీలను సంస్థలు అందించే చాన్స్ఉంటుందని రిపోర్ట్పేర్కొంది. ఐటీ ఇండస్ట్రీలో ఫ్రెషర్స్కు ఇచ్చే వేతన ప్యాకేజీతో పోలిస్తే జీసీసీల్లో ఇచ్చే ప్యాకేజీ ఎక్కువని తెలిపింది. ఐటీ సెక్టార్తో పోలిస్తే జీసీసీల్లో 30 శాతం వరకు ఎక్కువ జీతం ఇస్తారని వెల్లడించింది.