నిధుల్లేక పనులు జరగట్లే
పద్మారావునగర్/సికింద్రాబాద్, వెలుగు: హైదరాబాద్ అంటే హైటెక్ సిటీ ఒక్కటే కాదని, పాతబస్తీ, ముషీరాబాద్, అంబర్పేట వంటి ప్రాంతాల్లోని బస్తీలు కూడా ఇందులో భాగమేననని కేంద్రమంత్రి కిషన్రెడ్డి చెప్పారు. హైటెక్ సిటీని మాత్రమే అభివృద్ధి చేసి వేలాది బస్తీలను విస్మరించడం కరెక్ట్కాదన్నారు. రాష్ట్ర ఆదాయంలో 80 శాతం ఇక్కడి నుంచే వస్తుందని, కానీ నిధులు లేక అభివృద్ధి పనులు నిలిచిపోవడం బాధాకరం అన్నారు. చేసిన పనులకు బిల్లులు చెల్లించకుండా జీహెచ్ఎంసీలోని కాంట్రాక్టర్లు ధర్నాలు చేసే పరిస్థితికి తీసుకురావడం దౌర్భాగ్యం అని విమర్శించారు. మంగళవారం బన్సీలాల్పేట డివిజన్లో మాజీ మంత్రి మర్రి శశిధర్రెడ్డితో కలసి కిషన్రెడ్డి పాదయాత్ర నిర్వహించారు. మొదట డా.బీఆర్.అంబేద్కర్వర్ధంతి సందర్భంగా హమాలీబస్తీలోని విగ్రహానికి పూలమాలలు వేసి నివాళులు అర్పించారు. పద్మారావునగర్ కామకోటి ఆడిటోరియంలో జీహెచ్ఎంసీ, వాటర్ వర్క్స్, రెవెన్యూ, వైద్య, విద్యుత్ అధికారులతో సమీక్ష నిర్వహించారు. కార్పొరేటర్లు, లోకల్లీడర్లు కిషన్రెడ్డి దృష్టికి తెచ్చిన బస్తీల్లోని సమస్యల ను పరిష్కరించాలని అధికారులను ఆదేశించారు.
అనంతరం హమాలీబస్తీ, వెంకటాపురం కాలనీ, జయప్రకాశ్ నగర్, బోయిగూడ, మేకలమండి, భోలక్పూర్, రామస్వామి కాంపౌండ్, సీసీ నగర్లో పాదయాత్ర నిర్వహించారు. ఈ సందర్భంగా కిషన్రెడ్డి మాట్లాడుతూ..అన్ని శాఖల్లో సమర్థమైన అధికారులు, సిబ్బంది ఉన్నా నిధులు లేక పనులు ముందుకు సాగడం లేదన్నారు. 9 ఏండ్లుగా డబుల్బెడ్రూం ఇండ్లు రాక ఎంతో మంది నిరుపేదలు ఇబ్బంది పడుతున్నారని చెప్పారు. రాష్ట్ర జనాభాలో 30 శాతం హైదరాబాద్లోనే ఉన్నారని, మౌలిక వసతులు కల్పించడంలో కేసీఆర్ప్రభుత్వం విఫలమైందన్నారు. కిషన్రెడ్డి వెంట మర్రి పురూరవరెడ్డి, మహంకాళి జిల్లా బీజేపీ అధ్యక్షుడు శ్యాంసుందర్, కార్పొరేటర్లు ఉన్నారు.
