డెహ్రాడున్‌ : రంజీ ట్రోఫీలో హైదరాబాద్ వరుసగా రెండో మ్యాచ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లోనూ ఓడి నిరాశ పరిచింది. సోమవారం ముగిసిన గ్రూప్‌–బి పోరులో హైదరాబాద్ 78 రన్స్ తేడాతో ఉత్తరాఖండ్ చేతిలో పరాజయం పాలైంది. ఓవర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌నైట్ స్కోరు 189/5 చివరి రోజు ఆట కొనసాగించిన ఉత్తరాఖండ్ రెండో ఇన్నింగ్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో 235 రన్స్ వద్ద ఆలౌటైంది. కునాల్ చండేలా (66), రవికుమార్ సమర్థ్‌ (57) రాణించారు. తొలి ఇన్నింగ్స్‌ ఆధిక్యం కలుపుకొని హైదరాబాద్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు 269 రన్స్ టార్గెట్‌ ఇచ్చింది.
ఛేజింగ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో హైదరాబాద్ 69.1 ఓవర్లలో 190 రన్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కే ఆలౌటై ఓడింది. రోహిత్ రాయుడు (47) టాప్ స్కోరర్‌. అతనితో పాటు తన్మయ్ (38), అభిరథ్ రెడ్డి (35), హిమతేజ (22) కాసేపు ప్రతిఘటించారు. ఉత్తరాఖండ్ బౌలర్లలో స్వప్నిల్ సింగ్ (6/59) ఆరు వికెట్లతో దెబ్బకొట్టాడు. అతనికే ప్లేయర్ ఆఫ్ ద మ్యాచ్ అవార్డు లభించింది. ఉప్పల్ స్టేడియంలో ఈ నెల 26 నుంచి జరిగే తర్వాతి మ్యాచ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో పుదుచ్చెరితో హైదరాబాద్ పోటీ పడనుంది.
