హైదరాబాద్ లోని జూబ్లీహిల్స్ లో ట్రాఫిక్ పోలీసులపై ఓ యువకుడు వీరంగం సృష్టించాడు. హెల్మెట్ లేకుండా రాంగ్ రూట్లో వచ్చిన యువకుడిని పోలీసులు ఆపగా.. వారిని బూతులు తిడుతూ దౌర్జన్యంగా ప్రవర్తించాడు. మంగళవారం ( అక్టోబర్ 29, 2024 ) చోటు చేసుకుంది ఈ ఘటన. ఇందుకు సంబంధించిన పూర్తి వివరాలు ఇలా ఉన్నాయి. శ్రీనివాస్ అనే యువకుడు బైక్ పై హెల్మెట్ లేకుండా రాంగ్ రూట్లో వస్తుండగా జూబ్లీ హిల్స్ ట్రాఫిక్ పోలీసులు ఆపారు.
హెల్మెట్ లేకుండా రాంగ్ రూట్లో వచ్చిన అతన్ని ఆపిన పోలీసులు 8 చలాన్లు పెండింగ్ ఉన్నట్లు గుర్తించారు. అయితే.. సదరు యువకుడు పోలీసులను చూసి ఏ మాత్రం భయపడకపోగా.. తిరిగి పోలీసులపైనే దౌర్జన్యానికి దిగాడు. నేను నక్సలైట్..నేను టెర్రరిస్టు అంటూ ట్రాఫిక్ పోలీసుల మీద రెచ్చిపోయాడు.
#Hyderabad
— Pinto Deepak (@PintodeepakD) October 29, 2024
A biker is seen arguing with #cops & abusing them when he was stopped during vehicle checking, at Jubilee Hills.@TOIHyderabad @HYDTP@hydcitypolice pic.twitter.com/RxZz8MQoP0
యువకుడి ప్రవర్తన చూసి షాక్ కు గురైన ట్రాఫిక్ పోలీసులు.. జూబ్లీహిల్స్ పోలీసులకు ఫిర్యాదు చేశారు. ట్రాఫిక్ పోలీసుల ఫిర్యాదుతో కేసు నమోదు చేసిన జూబ్లీహిల్స్ పోలీసులు నిందితుడు శ్రీనివాస్ ను అదుపులోకి తీసుకున్నారు. యువకుడి వీరంగంతో రోడ్డుపై కొద్దిసేపు ట్రాఫిక్ కు అంతరాయం ఏర్పడింది.
