- బతుకమ్మ వేడుకల్లో డీజే వాడకంపై సుమోటోగా కేసు
పంజాగుట్ట, వెలుగు: హైదరాబాద్ మేయర్ గద్వాల్ విజయలక్ష్మిపై కేసు నమోదైంది. బతుకమ్మ ఉత్సవాల సందర్భంగా డీజే వాడడంతో పాటు అధిక డెసిబుల్స్‌‌తో సౌండ్ పెట్టి రూల్స్ బ్రేక్చేయడం, అనుమతి ఇచ్చిన సమయం కంటే ఎక్కువ సేపు కార్యక్రమం నిర్వహించడంపై బంజారాహిల్స్ పోలీసులు ఆమెపై సుమోటోగా కేసు నమోదు చేశారు.
శుక్రవారం సద్దుల బతుకమ్మ కార్యక్రమాన్ని మేయర్ గద్వాల్ విజయలక్ష్మి ఆధ్వర్యంలో ఎన్బీటీ నగర్‌‌‌‌లోనిర్వహించారు. ఈ సందర్భంగా వేడుకల్లో డీజే వాడారని, అనుమతించిన దానికంటే అధిక డెసిబుల్ సౌండ్పెట్టడంతో మేయర్‌‌‌‌పై కేసు నమోదు చేసినట్టు బంజారాహిల్స్ ఏసీపీ సామల వెంకట్‌ రెడ్డి ఒక ప్రకటనలో తెలిపారు.
