- ఆందోళనకు గురైన ప్రయాణికులు
- ఎర్రమంజిల్ స్టేషన్ వద్ద ఘటన
హైదరాబాద్, వెలుగు: మెట్రో రైలులో బుధవారం సాయంత్రం సాంకేతిక లోపం తలెత్తింది. దీంతో ప్రయాణికులు ఒక్కసారిగా ఆందోళనకు గురయ్యారు. మియాపూర్ నుంచి ఎల్ బీనగర్ వెళ్తున్న మెట్రో రైలు ఎర్రమంజిల్ మెట్రో స్టేషన్ కు వెళ్లగానే సాంకేతిక లోపంతో డోర్లు తెరుచుకోలేదు. ఎంత ప్రయత్నించినా తెరుచుకోలేదు. దీంతో ప్రయాణికులు టెన్షన్ పడ్డారు. ఉక్కపోతతో ఉక్కిరిబిక్కిరి అయ్యారు. దాదాపు 20 నిమిషాల పాటు ప్రయాణికులు ఆందోళనకు గురైన తర్వాత మెట్రో డోర్లు తెరుచుకున్నాయి. దీంతో ఒక్కసారిగా అంతా బయటకు వచ్చారు. సాంకేతిక లోపం తలెత్తిన మెట్రో కోచ్ ఎర్రమంజిల్ మెట్రో స్టేషన్ లో 20 నిమిషాల పాటు నిల్చిపోవటంతో దీని ప్రభావం వేరే రైళ్ల పై పడింది.
