- అవసరమైతే మరిన్ని పెంచేందుకు వాటర్బోర్డు నిర్ణయం
- ఫిల్లింగ్ స్టేషన్లను సైతం పెంచనున్న బోర్డు
- గత వేసవిలో సమస్య ఏర్పడిన ప్రాంతాలపై స్పెషల్ఫోకస్
హైదరాబాద్ సిటీ, వెలుగు: గ్రేటర్పరిధిలో వచ్చే వేసవిలో నీటి ఎద్దడి లేకుండా చేసేందుకు మెట్రోవాటర్ బోర్డు అధికారులు సిద్ధమవుతున్నారు. నీటి సరఫరా తీరు మెరుగుపర్చడంతో పాటు నీటి సమస్య ఉన్న ప్రాంతాల్లో ట్యాంకర్ల ద్వారా సరఫరా చేసేందుకు చర్యలు తీసుకంటున్నారు. ప్రస్తుతం బోర్డు వద్ద 733 ట్యాంకర్లుండగా, వేసవిలో ఈ సంఖ్యను 850 వరకూ పెంచాలని నిర్ణయించారు. సిటీతో పాటు ఓఆర్ఆర్పరిధిలోని మున్సిపాలిటీలు, కార్పొరేషన్లు, గ్రామ పంచాయతీల పరిధిలోని ప్రాంతాలకు సైతం నీటి సరఫరా చేయనున్నారు.
ఇటీవల సీఎం రేవంత్రెడ్డి వాటర్బోర్డు అధికారులతో నిర్వహించిన సమావేశంలో కూడా వేసవిలో నీటి సమస్య రాకుండా ప్లాన్రూపొందించుకోవాలని సూచించారు. దీనికి అనుగుణంగా బోర్డు ఎండీ అశోక్రెడ్డి తరచూ ఉన్నతాధికారులతో సమావేశాలు నిర్వహిస్తూ నీటి సరఫరా తీరు గురించి తెలుసుకుంటున్నారు. వేసవిలో నీటి ఎద్దడి ఎక్కువగా ఉండే ప్రాంతాలను గుర్తించాలని అధికారులను ఆదేశించారు.
గత వేసవిలో నార్సింగి, కొండాపూర్, హైటెక్సిటీ, శేరిలింగంపల్లి, కూకట్పల్లిల్లో దాదాపు వంద కుటుంబాలు 31 వేల ట్రిప్పుల ట్యాంకర్లను బుక్చేసుకున్నాయని తెలిసి ఆశ్చర్యపోయారు. ఈసారి ఆయా ప్రాంతాల్లో నీటి సమస్య నివారణకు తీసుకోవాల్సిన చర్యల గురించి అధికారులతో చర్చించారు. ఆ ఏరియాలపై స్పెషల్ఫోకస్పెట్టనున్నారు.
ఫిల్లింగ్ పాయింట్లను పెంచాలని నిర్ణయం
కొద్ది రోజులుగా గ్రేటర్ పరిధిలో ట్యాంకర్ల బుకింగ్క్రమ క్రమంగా పెరుగుతోంది. ప్రస్తుతం రోజుకు 500 నుంచి 800 ట్యాంకర్లు బుకింగ్అవుతున్నట్టు అధికారులు గుర్తించారు. దీంతో ఫిల్లింగ్స్టేషన్ల సంఖ్య పెంచాలని నిర్ణయించారు. ప్రస్తుతం బోర్డు పరిధిలో 70 ఫిల్లింగ్స్టేషన్లుండగా.. ఎండలు ముదిరే టైంకు మరో 20 స్టేషన్లు పెంచాలని డిసైడ్అయ్యారు.
గతేడాది మార్చి ఆఖరు నాటికి రోజు వారీగా ట్యాంకర్బుకింగ్స్ 4 వేల నుంచి 5 వేల వరకు ఉండగా, ఏప్రిల్నాటికి 7 వేలకు చేరింది. మే నెలలో రికార్డు స్థాయిలో 9,250 ట్యాంకర్ల వరకు బుకింగ్చేసుకున్నారు. దీంతో ట్రిప్పులను రాత్రింబవళ్లు కొనసాగించి 2,37,570 ట్యాంకర్ల నీటిని సరఫరా చేశారు. గతేడాది ట్యాంకర్బుక్చేసిన వారం వరకు డెలివరీకి టైం తీసుకోగా, ఈసారి బుకింగ్చేసిన గంటల్లోనే సరఫరా జరిగేలా చర్యలు తీసుకుంటున్నారు.
