జవహర్నగర్/ శామీర్పేట/ఎల్బీనగర్, వెలుగు: వానలకు సిటీ శివారు మున్సిపాలిటీల్లోని లోతట్టు కాలనీలు జలమయమయ్యాయి. జవహర్ కార్పొరేషన్ పరిధిలోని బీజేఆర్ నగర్ పరిధి పాపయ్యనగర్, అంబేద్కర్నగర్లోని దొండతోట, కేసీఆర్ నగర్, ముత్తుస్వామి కాలనీ, కార్మికనగర్ తదితర కాలనీల్లో వరద చేరింది.
ఇండ్లలోకి నీరు రావడంతో జనం తీవ్ర ఇబ్బందులు పడుతున్నారు. పెద్ద అంబర్పేటలోని భూదాన్ కాలనీలో వరద చేరింది. అబ్దుల్లాపూర్ మెట్– లస్కర్ గూడ , బాటసింగారం – మజీద్ పూర్ గ్రామాల మధ్య వాగులు పొంగడంతో రాకపోకలు బంద్ అయ్యాయి.
ALSO READ:సివిల్ కేసులతో బెదిరించి.. రూ.6 కోట్లు డిమాండ్‌
చేపల వేటకు వెళ్లి..
మూడుచింతలపల్లి మండలం అద్రాస్పల్లి గ్రామంలోని వాగులో గురువారం చేపల వేటకు వెళ్లిన రాజు, భాస్కర్, రవి, కుమార్ ఒక్కసారిగా నీట మునిగి గల్లంతయ్యారు. స్థానికులు వారిని గమనించి తాళ్ల సాయంతో సేప్గా బయటకు తీసుకొచ్చారు.
