హైదరాబాద్: గత కొన్నిరోజులుగా సోషల్ మీడియాలో 'సుఖీభవ' అనే వీడియో ఒకటి విపరీతంగా వైరల్ అవుతోంది. నల్లగుట్ట శరత్ అనే అబ్బాయి ఓ టీ పౌడర్ యాడ్ను రీక్రియేట్ చేసి జోరుగా తీన్మార్ స్టెప్పులేయడం, అది కాస్త మీమ్స్ పేజీల ద్వారా ఇంటర్నెట్‌లో వైరల్ అయింది. ఈ నేపథ్యంలో నేరాల గురించి ప్రజలను అప్రమత్తం చేయడానికి మీమ్స్, వైరల్ ఫొటోలను వాడే హైదరాబాద్ సిటీ పోలీసులు ఈ యాడ్ను కూడా వినియోగించారు. ఈమధ్య ప్రైజ్ మనీ గెలిచారంటూ లింకులు పంపుతూ ఆన్‌లైన్ మోసాలకు పాల్పడే వారు ఎక్కువయ్యారు. అందుకే ఇలాంటి మోసాలకు పాల్పడే వాళ్ల విషయంలో అప్రమత్తంగా ఉండాలని ప్రజలను హెచ్చరిస్తూ సుఖీభవ అంటూ హైదరాబాద్ సిటీ పోలీసులు ఈ మీమ్‌‌ను వాడేశారు. అలాంటి లింక్స్ ఓపెన్ చేయకండి అంటూ ఒరిజినల్ యాడ్‌ స్క్రీన్ షాట్‌ను ఉపయోగించారు.
అలాంటి లింక్స్ ఓపెన్ చేయకండి.... #సుఖీభవ #sukhibhava #cybersafety #yoursafetyisourfirstpriority pic.twitter.com/1GZ2zAbl59
— హైదరాబాద్ సిటీ పోలీస్ Hyderabad City Police (@hydcitypolice) September 23, 2021
