హైదరాబాద్ లో కుండపోత వర్షం పడింది. రోడ్లు చెరువులను తలపిస్తున్నాయి. ఎక్కడి పడితే అక్కడ ట్రాఫిక్ జాం.. ఇది భాగ్యనగరంలో సర్వసాధారణం. అయితే ఇప్పుడు హైదరాబాద్‌లోని రాజీవ్ గాంధీ అంతర్జాతీయ విమానాశ్రయం (ఆర్‌జిఐఎ) టెర్మినల్లోకి వరద నీరు చేరింది.
ఈ రోజు ( ఆగస్టు 19) హైదరాబాద్ లో మధ్యాహ్నం కుండపోత వర్షం కురిసింది. దీంతో రాజీవ్ గాంధీ అంతర్జాతీయ విమానాశ్రయం (ఆర్‌జిఐఎ) పైకప్పు లీకై... టెర్మినల్ లోకి నీరు చేరింది. పై నుంచి నీరు నేలపై పడే వీడియోను ఓ ప్రయాణికుడు వీడియో తీసి సోషల్ మీడియాలో పోస్ట్ చేయడంతో వైరల్ అవుతుంది.
A video has surfaced showing significant leakage at Hyderabad Airport after a bout of heavy rainfall.
— The Siasat Daily (@TheSiasatDaily) August 19, 2024
The footage highlights water seeping through the airport's roof, raising concerns about the infrastructure's resilience during extreme weather conditions.
Passengers and… pic.twitter.com/P1pDoyF1qy
హైదరాబాద్‌లో సోమవారం మధ్యాహ్నం 1 గంటలకు ... 50 నిమిషాల పాటు వర్షం దంచి కొట్టింది. దాదాపు 35.2 మి.మీ. అందులో 10 నిమిషాల్లో 17 మి.మీ వర్షం కురిసింది, ఆ సమయంలో రాజీవ్ గాంధీ అంతర్జాతీయ విమానాశ్రయం పైకప్పు నుంచి వర్షపు నీరు లీకైంది. ఈ ఘటనకు సంబంధించిన వైరల్ అయిన వీడియోలపై స్పందించిన హైదరాబాద్ ఎయిర్‌పోర్ట్ అధికారులు టెర్మినల్ భవనంలో లీకేజీ జరిగిన మాట వాస్తవేనని అంగీకరించారు.
ఎయిర్ పోర్ట్ పైకప్పు నుంచి ఇలాంటి ఘటన ఎప్పుడూ జరగలేదని.. మళ్లీ ఇలాంటి ఘటన జరుగకుండా జాగ్రత్తలు తీసుకుంటామని RGI హైదరాబాద్ విమానాశ్రయంలోని అధికారులు తెలిపారు. దీనికి సంబంధించి ప్రయాణికులకు కలిగిన అసౌకర్యానికి క్షమాణలు కోరుతున్నట్లు తెలిపారు.
