ముంబై: ఆల్-ఎలక్ట్రిక్ ఇంటర్‌‌సిటీ బస్ స్టార్టప్ ఫ్రెష్ బస్ మంగళవారం వీసీ ఫండ్ మణివ్ సారథ్యంలోని సిరీస్ ఏ ఫండింగ్ రౌండ్‌‌లో 10.5 మిలియన్ల డాలర్లను (సుమారు రూ. 87.5 కోట్లు) సేకరించినట్లు తెలిపింది. ఈ రౌండ్‌‌లో షెల్ వెంచర్స్, ఆల్టెరియా క్యాపిటల్, ప్రస్తుత ఇన్వెస్టర్ రివర్‌‌వాక్ హోల్డింగ్స్ కూడా పాల్గొన్నాయని ఫ్రెష్ బస్ తెలిపింది. గత ఏడాది రెండు సీడ్ ఫండింగ్ రౌండ్‌‌లతో సహా మూడు ఫండింగ్ రౌండ్‌‌లలో ఇప్పటి వరకు సుమారు రూ.110 కోట్లు సేకరించినట్లు కంపెనీ తెలిపింది.
ఈ ప్లాట్‌‌ఫారమ్‌‌లో 20 ఎలక్ట్రిక్ బస్సులు ఉన్నాయి. బెంగళూరు--–తిరుపతి, హైదరాబాద్--–విజయవాడ రూట్లలో దాని సేవలను అందిస్తోంది. ఈ కొత్త ఫండ్ ఇన్ఫ్యూషన్‌‌తో 15 కొత్త రూట్లలో సేవలు అందిస్తామని, త్వరలో 150 ఈ--–బస్సులను ప్రారంభిస్తామని ఫ్రెష్ బస్ ఫౌండర్ సుధాకర్ చిర్రా అన్నారు.
