తార్నాక జంక్షన్ లో రాకపోకలు షురూ.. యూటర్న్​ బంద్​ చేసిన ట్రాఫిక్​ పోలీసులు

• మొదటి రోజు అంతా సాఫీగా. .. 
• శుక్రవారం నుంచి 15 రోజుల పాటు ట్రయల్​రన్​

తార్నాక, వెలుగు: ట్రాఫిక్ ​మేనేజ్​మెంట్​లో భాగంగా తార్నాకలో బంద్​చేసిన జంక్షన్​ను ట్రాఫిక్​పోలీసులు మళ్లీ అందుబాటులోకి తీసుకువచ్చారు. ఇక్కడ యూ టర్న్​చాలా దూరం ఉండడం, ట్రాఫిక్​జామ్​కు కారణం అవుతుండడంతో కొంతకాలం తార్నాక జంక్షన్​తెరిచేందుకు చర్యలు తీసుకున్నారు. ట్రయల్​రన్​లో భాగంగా శుక్రవారం జంక్షన్​మధ్యలో ఉన్న డివైడర్లను తెరిచి మునుపటిలా వాహనాల రాకపోకలకు పునరుద్ధరించారు. ఈ ట్రయల్​రన్15 రోజుల పాటు అమలు చేయనున్నారు. 

ఈ పక్షం రోజులు ఏఏ ఇబ్బందులు తలెత్తుతాయో పరిశీలించి చర్యలు తీసుకోనున్నారు. అయితే, మెట్టుగూడ నుంచి వచ్చేవారు ఓయూ రూట్లోకి, హబ్సిగూడ నుంచి వచ్చేవారు లాలాపేట్​వైపు వెళ్లడానికి పర్మిషన్​ఇవ్వలేదు. వీరు మునుపటి లాగానే యూ టర్న్​తీసుకుని వెళ్లారు. ఉస్మానియా వర్సిటీ నుంచి లాలాపేట్, హబ్సిగూడ వైపు వెళ్లేందుకు అనుమతి ఇచ్చారు. లాలాపేట్​ నుంచి వచ్చేవారికి మాత్రం ఓయూలోకి, సికింద్రాబాద్​వైపు వెళ్లేలా పర్మిషన్​ఇచ్చారు. దీని ఆధారంగా మరికొన్ని చోట్ల ఎత్తేసిన జంక్షన్స్​ను అందుబాటులోకి తీసుకురావదడానికి ప్రయత్నాలు చేస్తున్నారు.  

ఇలాగే కొనసాగించాలి 

నేను రోజు లాలాపేట్ నుంచి నల్లకుంట వెళ్తా. ఇంతకుముందు యూ టర్న్ ఉండడంతో హబ్సిగూడ ఐఐసీటీ దగ్గర యూటర్న్​తీసుకోవాల్సి వస్తుండే...దీంతో ట్రాఫిక్​జామ్​తో పాటు టైం వేస్ట్​అవుతుండే...తార్నాక జంక్షన్​ఓపెన్​చేయడం వల్ల ఆ ఇబ్బందులు తప్పాయి. దీన్ని ఇలాగే కొనసాగించాలి.  
- ఎస్ పీ రెడ్డి, వాహనదారుడు

 ఫుట్​ ఓవర్​ బ్రిడ్జి లిఫ్ట్​ ఓపెన్ ​చేయాలె

నేను తార్నాక స్ట్రీట్ ​నంబర్​3లో ఉంటా. పని మీద రోజు ఓయూ మీదుగా నల్లకుంటకు పోతా..ఇంతకుముందు యూటర్న్​తో సుమారు అర కిలోమీటర్​ఎక్కువ జర్నీ చేయాల్సి వచ్చేది. ఇప్పుడు తిప్పలు తప్పినట్టే. ఉదయం, సాయంత్రం వేళల్లో తార్నాక సెయింట్​ఆన్స్​ స్కూల్ పిల్లలు రావడం, పోవడం చేస్తారు కాబట్టి ట్రాఫిక్​ సమస్య వస్తుంది. అది రిపీట్ ​కాకుండా చూడాలి.. ఫుట్​ ఓవర్​ బ్రిడ్జి లిఫ్ట్ కూడా ఆన్​చేస్తే బాగుంటుంది.  – కంటి వీరన్న, తార్నాక