- -మరో అంతర్జాతీయ ఉత్సవానికి వేదిక కానున్న నగరం
- మే 7 నుంచి 31 వరకు కాంటెస్ట్.. పాల్గొననున్న 120 దేశాలు
హైదరాబాద్, వెలుగు : రాష్ట్రం మరో ప్రతిష్టాత్మక ఈవెంట్కు వేదిక కాబోతున్నది. ఈ ఏడాది జరగనున్న మిస్వరల్డ్ అందాల పోటీలకు హైదరాబాద్ఆతిథ్యం ఇవ్వనున్నది. ‘మిస్వరల్డ్ ఫెస్టివ్’ పేరిట మే 7 నుంచి 31వ తేదీ వరకు నిర్వహించనున్న 72వ ఎడిషన్ పోటీలకు తెలంగాణను ఎంచుకున్నట్టు మిస్ వరల్డ్ లిమిటెడ్ చైర్మన్, సీఈఓ జూలియా మోర్లీ, టూరిజం, కల్చరల్ సెక్రటరీ స్మితా సబర్వాల్ ప్రకటించారు. మే 7న వేడుకలు మొదలై నాలుగు వారాలపాటు కొనసాగుతాయని, మే 31న గ్రాండ్ ఫినాలే ఉంటుందన్నారు. ‘బ్యూటీ విత్ ఎ పర్పస్’ థీమ్తో నిర్వహించే ఈ కాంటెస్ట్ లో 120కి పైగా దేశాలు పాల్గొంటాయని చెప్పారు.
