- గత వేసవిలో భారీగా ట్యాంకర్లు బుక్ చేసిన ప్రాంతాల్లో సర్వే
- ఒక్కో డివిజన్కు ఇన్చార్జీగా ఒక్కో ఆఫీసర్
- నల్లా లేకుండా సీవరేజీ వాడుతున్న వారిని గుర్తించి సెస్ వసూలు చేసే ప్లాన్
హైదరాబాద్సిటీ, వెలుగు: గ్రేటర్లో తాగునీటి సమస్య ఎక్కువగా ఉన్న ప్రాంతాలతో పాటు నల్లా కనెక్షన్లేకుండా సీవరేజీ లైన్ఉపయోగిస్తున్న వారిని గుర్తించేందుకు వాటర్బోర్డు ఆఫీసర్లు ఫీల్డ్విజిట్చేయాలని నిర్ణయించారు. గత వేసవిలో భారీ సంఖ్యలో ట్యాంకర్లను బుక్ చేసిన ఏరియాల్లో పర్యటించి ఆ ప్రాంతాల్లో నీటికి డిమాండ్ఎందుకు ఏర్పడిందన్న విషయాన్ని తెలుసుకునేందుకు సర్వే నిర్వహించనున్నారు.
శేరిలింగంపల్లి, కూకట్పల్లి, కొండాపూర్, నార్సింగి, కోకాపేట, నానక్రామ్గూడ, హైటెక్సిటీ వంటి ప్రాంతాల్లో గత వేసవిలో రోజుకు వేల సంఖ్యలో ట్యాంకర్లు బుక్చేసుకున్నారు. దీంతో ఇక్కడ ఒక్కో డివిజన్కు ఒక్కో ఆఫీసర్ను ఇన్చార్జీగా నియమించి వచ్చే నెల నుంచి సర్వే చేయనున్నారు. దీనిద్వారా వేసవి ప్రారంభం నాటికి సమస్యలు పరిష్కరించి నీటి సరఫరాలో ఇబ్బందులు రాకుండా చూడాలన్నది తమ ప్రధాన ఉద్దేశమని అధికారులు చెప్తున్నారు.
అక్రమ సీవరేజీ లైన్లను వినియోగిస్తున్న వారిపై నజర్
జంట నగరాల్లో నీటి కనెక్షన్ లేకుండా కేవలం వాటర్బోర్డుకు చెందిన సీవరేజీ లైన్లను వినియోగించుకుంటున్న వారిని గుర్తించేందుకు కూడా సర్వే చేయనున్నారు. గ్రేటర్ లో చిన్న, పెద్ద ఫంక్షన్ హాళ్లు 18,500 వరకు ఉంటాయని అంచనా. వీటిలో 60 శాతానికి పైగా ఫంక్షన్హాళ్లలో నల్లా కనెక్షన్లు లేవని, అయినా వీరు సీవరేజీ లైన్లు ఉపయోగిస్తున్నారని గుర్తించారు. నల్లా కనెక్షన్ఉన్నవారైతే వాటర్బిల్లులోనే సీవరేజీ సెస్కలిపి వస్తుంది.
కానీ, నల్లా లేకుండా కొనసాగుతున్న ఫంక్షన్హాళ్ల వల్ల బోర్డుకు నష్టం వస్తున్నది. దీంతో తనిఖీ చేసి సీవరేజీ సెస్వసూలుచేయాలని నిర్ణయించారు. కొన్ని ప్రైవేట్ హాస్పిటళ్లుకూడా నల్లా కనెక్షన్ లేకుండా సీవరేజీ ఉపయోగిస్తుండడంతో గుర్తించి సీవరేజీ సెస్వసూలు చేసేందుకు సిద్ధమవుతున్నారు.
