ముంబై: హైదరాబాద్ యంగ్ క్రికెటర్లు అవనీశ్రావు, ఎం. అభిషేక్ ఏసీసీ అండర్ 19 ఆసియా కప్‌‌‌‌లో పోటీపడే ఇండియా టీమ్‌‌‌‌కు ఎంపికయ్యారు. డిసెంబర్ 8 నుంచి యూఏఈలో జరిగే ఈ టోర్నీ కోసం ఆలిండియా జూనియర్ సెలెక్షన్ కమిటీ 15 మందితో కూడిన టీమ్‌‌‌‌ను శనివారం ప్రకటించింది. పంజాబ్‌‌‌‌కు చెందిన ఉదయ్ సహరన్ కెప్టెన్‌‌‌‌గా, మధ్యప్రదేశ్ క్రికెటర్ సౌమి కుమార్ వైస్ కెప్టెన్‌‌‌‌గా ఎంపికయ్యారు.
హైదరాబాద్ నుంచి కీపర్‌ అవనీశ్, ఆల్‌‌‌‌రౌండర్ అభిషేక్‌కు అవకాశం లభించింది. ట్రావెలింగ్, నాన్‌ ట్రాలెవింగ్ రిజర్వ్‌‌‌‌లుగా మరో ఆరుగురిని సెలెక్టర్లు ఎంపిక చేశారు. ఈ టోర్నీలో అత్యధికంగా ఎనిమిదిసార్లు విజేతగా నిలిచిన ఇండియా ఈసారి గ్రూప్‌1లో పాకిస్తాన్, అఫ్గానిస్తాన్, నేపాల్‌‌‌‌తో కలిసి బరిలోకి దిగుతోంది. తొలి మ్యాచ్‌‌‌‌లో వచ్చే నెల 8న అఫ్గాన్‌‌‌‌తో పోటీ పడనుంది. 10న పాకిస్తాన్‌‌‌‌తో, 12న నేపాల్‌‌‌‌తో తలపడుతుంది. 15న సెమీఫైనల్స్, 17న ఫైనల్ మ్యాచ్‌ జరుగుతుంది.
