హైదరాబాద్ సిటీ,వెలుగు: ఫార్మ్ ప్లాట్లు పేరిట అనుమ‌తి లేని లే ఔట్లు అనుమ‌తి లేని లే ఔట్లలో ప్లాట్లు కొని ఇబ్బందులు ప‌డొద్దని హైడ్రా సూచించింది. న‌గ‌ర శివార్లలో ఫార్మ్ ప్లాట్ల పేరిట అమ్మకాలు జ‌రుగుతున్నాయ‌ని.. వీటిని కొన్న వారు త‌ర్వాత ఇబ్బందులు ప‌డాల్సి ఉంటుంద‌ని హెచ్చరించింది. ఫార్మ్ ప్లాట్ల రిజిస్ట్రేష‌న్లపై నిషేదం ఉన్నప్పటికీ.. కొన్ని ప్రాంతాల్లో అమ్మకాలు జ‌రుగుతున్నాయ‌ని హైడ్రాకు వ‌చ్చిన ఫిర్యాదుల మేర‌కు తెలుస్తోంది.
రంగారెడ్డి జిల్లా రాజేంద్రన‌గ‌ర్ మండ‌లం, ల‌క్ష్మిగూడ విలేజ్ స‌ర్వే నంబ‌రు 50 లోని 1.02 ఎక‌రాల్లో ఫార్మ్ ప్లాట్ల పేరిట లే ఔట్ వేసి అమ్మేస్తున్నార‌ని ఫిబ్రవరి 17న రం హైడ్రా ప్రజావాణికి ఫిర్యాదులందాయి. ప్రజావాణిలో ప‌లు ఫిర్యాదులు అందిన నేప‌థ్యంలో హైడ్రా క‌మిష‌న‌ర్ ఏవీ రంగ‌నాథ్‌గారు న‌గ‌ర ప్రజ‌ల‌ను అప్రమ‌త్తం చేశారు. తెలంగాణ మున్సిప‌ల్ యాక్ట్ 2019, తెలంగాణ పంచాయ‌త్ రాజ్ యాక్ట్ 2018లో పొందు ప‌రిచిన విధంగా ఎక్కడా ఫార్మ్ ప్లాట్లు అమ్మడానికి లేద‌నిపేర్కొన్నారు. ఫార్మ్ ల్యాండ్ అంటే 2 వేల చ‌ద‌ర‌పు మీట‌ర్లు, లేదా 20 గుంట‌ల స్థలం ఉండాల‌ని, ప్రభుత్వం గ‌తంలోనే నిర్దేశించింద‌ని చెప్పారు.
ALSO READ | ఇసుక అక్రమ రవాణాను అణిచి వేయండి: సీఎం రేవంత్ ఆదేశం
ఈ మేర‌కు ఫార్మ్ ప్లాట్లు రిజిస్ట్రేష‌న్లు చేయ‌రాద‌ని స్టాంపులు, రిజిస్ట్రేష‌న్ల శాఖకు ఆదేశాలు కూడా ప్రభుత్వం ఇచ్చిన విష‌యాన్ని గుర్తు చేశారు. జీవో నంబ‌రు 131 ప్రకారం 31.8.2020 త‌ర్వాత వెల‌సిన అనాథ‌రైజ్డ్ లే ఔట్లలో ప్లాట్లలో ఇల్లు నిర్మించ‌డానికి ఎలాంటి అనుముతులు ఇచ్చేది లేద‌ని ప్రభుత్వం స్పష్టం చేసిన విష‌యాన్ని అంద‌రూ గ‌మ‌నించాల‌న్నారు. న‌గ‌ర ప‌రిధిలో హెచ్ ఎండీఏ నిబంధ‌న‌ల ప్రకారం 10 శాతం పార్కులకోసం, 30 శాతం ర‌హ‌దారుల కోసం స్థలాల‌ను కేటాయించాల్సి ఉన్నా ఎక్కడా ఆ నిబంధ‌న‌ల‌ను కూడా పాటించ‌డంలేద‌ని ఫిర్యాదుదారులు హైడ్రాకు నివేదించారు.
