- గ్రేటర్లోని పలు చెరువుల పరిశీలన
హైదరాబాద్ సిటీ/జీడిమెట్ల, వెలుగు: గ్రేటర్పరిధిలోని పలు చెరువులను హైడ్రా కమిషనర్ ఏవీ రంగనాథ్ బుధవారం పరిశీలించారు. స్థానికుల నుంచి ఫిర్యాదులు వస్తుండడంతో నిజాంపేటలోని నిజాం తలాబ్ లేక్(తుర్కచెరువు), మాదాపూర్ లోని మేడికుంట చెరువు, ఈదులకుంట, నార్సింగిలోని నెక్నాంపూర్ చెరువు, తెల్లాపూర్లోని వనం చెరువు, చెల్లికుంట, మేళ్లచెరువులను సందర్శించారు.
బ్యూటిఫికేషన్పేరుతో బఫర్ జోన్ లో నిర్మాణాలు చేపడుతున్నారని స్థానికులు కమిషనర్దృష్టికి తీసుకొచ్చారు. గేటెడ్ కమ్యూనిటీల నుంచి నేరుగా మురుగు వచ్చి చేరుతోందని వాపోయారు. చెరువులు కబ్జా, కలుషితం కాకుండా చూస్తామని రంగనాథ్హామీ ఇచ్చారు. చెరువుల పూర్తి వివరాలు సేకరించి కబ్జా కాకుండా చూడాలని అధికారులను ఆదేశించారు.
