హైదరాబాద్ సిటీ, వెలుగు: మెహిదీపట్నం నవోదయ కాలనీలో జీహెచ్ఎంసీ ఆధ్వర్యంలో రెండో రోజు కూల్చివేతలు కొనసాగాయి. ప్లస్ 3 అనుమతులు తీసుకొని, నాలుగు, ఐదు అక్రమ అంతస్తులు నిర్మించారని సర్కిల్-12 టౌన్ ప్లానింగ్ ఏసీపీ కృష్ణమూర్తి తెలిపారు. వాటిని గుర్తించి కూల్చేస్తున్నామన్నారు. ఈ కార్యక్రమంలో సెక్షన్ అధికారి నర్సింగరావు తో పాటు జీహెచ్ఎంసీ సిబ్బంది పోలీసులు పాల్గొన్నారు.
అక్రమ గోదామ్ కూల్చివేత
శామీర్ పేట : తూంకుంట మున్సిపల్ పరిధిలోని దేవరయాంజాల్లో అనుమతులను తీసుకోకు౦డా నిర్మిస్తున్న గోదామును మున్సిపల్ అధికారులు కూల్చేశారు. గోదాముపై స్థానికులు మున్సిపల్ అధికారులకు ఫిర్యాదు చేయగా.. మున్సిపల్ కమీషనర్ వెంకటగోపాల్ ఆదేశాల మేరకు టీపీఓ మణిహారిక ఆధ్వర్యంలో కూల్చివేశారు. ఎవరైనా అక్రమ నిర్మాణం చేపడితే సహించేది లేదని హెచ్చరించారు.
