హైదరాబాద్ కూకట్‌పల్లిలోని అక్రమ నిర్మాణల కూల్చివేతకు ఆదివారం హైడ్రా రంగంలోకి దిగింది. నల్లచెరువు అనుకొని ఉన్న 16 నిర్మాణాలు ఎఫ్టీఎల్, బఫర్ జోన్ లో ఉన్నట్లు హైడ్రా అధికారులు గుర్తించారు. ఆదివారం (సెప్టెంబర్ 22) తెల్లవారుజామునుంచే హైడ్రా సిబ్బంది అక్రమ నిర్మాణాలను కూల్చివేస్తున్నారు. హైడ్రా పనులకు ఆటంకం కలిగించకుండా భారీగా పోలీసు బందోబస్తు ఏర్పాటు చేశారు. కూకట్పల్లి నల్ల చెరువులో16 కట్టడాలను ఇల్లీగల్ కన్స్ట్రక్షన్ గా గుర్తించి.. రెండు రోజుల క్రితమే జిహెచ్ఎంసి అధికారులు16 మందికి నోటీసులు ఇచ్చారు.
