- పెద్ద చెరువు ఆక్రమించి వేసిన ఫెన్సింగ్ తొలగింపు
రామచంద్రాపురం (అమీన్పూర్), వెలుగు: సంగారెడ్డి జిల్లా అమీన్పూర్లో హైడ్రా మళ్లీ యాక్షన్ మొదలుపెట్టింది. మున్సిపాలిటీ లిమిట్స్లోని చక్రపురి కాలనీ సమీపంలో పెద్ద చెరువు ఆక్రమణలను మరోసారి కూల్చివేసింది. మంగళవారం ఉదయం నుంచే ఈ కూల్చివేతలు చేపట్టింది. గతంలో మూడు నెలల క్రితం ప్రభుత్వ స్థలాలను ఆక్రమించారని ఇక్కడే కూల్చివేతలు జరగగా, తిరిగి ఫెన్సింగ్ నిర్మాణం చేపట్టడంతో హైడ్రా అధికారులు నేలమట్టం చేశారు. ఆంధ్రాకు చెందిన మాజీ ఎమ్మెల్యే కాటసాని రాంభూపాల్ రెడ్డి తమ లేఅవుట్కు సంబంధించిన స్థలాలను ఆక్రమించి ఫెన్సింగ్ వేస్తున్నారని స్థానికులు కొంతమంది సోమవారం హైడ్రా ప్రజావాణిలో ఫిర్యాదు చేశారు.
దీనిపై విచారణ చేపట్టిన కమిషనర్రంగనాథ్ కూల్చివేతలకు ఆర్డర్ఇవ్వడంతో మంగళవారం అక్కడి నిర్మాణాలను తొలగించారు. ఐలాపూర్తండాకు చెందిన వివాదాస్పద భూములను కూడా మంగళవారం హైడ్రా అధికారులు పరిశీలించారు. అమీన్పూర్పరిధిలోని ప్రజల నుంచి వందలాది కంప్లైట్స్ వస్తున్నాయని, అన్ని ఫిర్యాదులపై విచారణ చేపట్టి త్వరలోనే చర్యలు తీసుకుంటామన్నారు.
కుత్బుల్లాపూర్ లో అక్రమ నిర్మాణాలు నేలమట్టం
జీడిమెట్ల: కుత్బుల్లాపూర్ లో ప్రభుత్వ భూమిని కబ్జా చేసి కట్టిన అక్రమ నిర్మాణాలనురెవెన్యూ అధికారులు మంగళవారం కూల్చివేశారు. కుత్బుల్లాపూర్మండలం గాజులరామారం సర్వేనెంబర్ 329లో ప్రభుత్వం ఉంది. స్థానికంగా ఉండే భూకబ్జాదారులు కొందరు ప్రజాప్రతినిధుల అండదండలతో కోట్లాది రూపాయల విలువచేసే ఈ భూమిని ఆక్రమించారు. ఆ భూమిని నిరుపేదలకు విక్రయించి కోట్లకు పడగెత్తారు. దీనిపై ఫిర్యాదులు అందడంతో గతేడాది జులైలో హైడ్రా అధికారులు 40కి పైగా అక్రమ నిర్మాణాలను కూల్చివేశారు.
తాజాగా కొందరు భూకబ్జాదారులు తిరిగి సర్వే నంబర్ 329 ప్రభుత్వ భూమిలో చింతల చెరువును ఆనుకుని నిర్మాణాలు చేశారు. ఈ విషయమై కుత్బుల్లాపూర్మండల రెవెన్యూ అధికారులకు ఫిర్యాదులు అందాయి. దీంతో రెవెన్యూ అధికారులు సూరారం పోలీసుల బందోబస్తు తీసుకుని 8 అక్రమ నిర్మాణాలను కూల్చివేశారు. ప్రభుత్వ భూముల్లో అక్రమణలకు పాల్పడితే కఠిన చర్యలు తప్పవని హెచ్చరించారు.
