- గొలుసుకట్టు చెరువుల లింకులను పునరుద్ధరించాలి
- హైడ్రా ఆఫీసులో డిజాస్టర్ మేనేజ్మెంట్పై కమిషనర్ రంగనాథ్సమీక్ష
హైదరాబాద్ సిటీ, వెలుగు: గ్రేటర్చెరువులన్నింటికీ అలుగులు ఉండేలా చర్యలు తీసుకోవాలని, గొలుసుకట్టు చెరువులను పునరుద్ధరించాలని, నాలాల్లో చెత్త పేరుకుపోకుండా ఎప్పటికప్పుడు తొలగించాలని హైడ్రా అధికారులు నిర్ణయించారు. బుధవారం హైడ్రా ఆఫీసులో కమిషనర్ఏవీ రంగనాథ్ డిజాస్టర్ మేనేజ్మెంట్పై సమీక్ష నిర్వహించారు. గొలుసుకట్టు చెరువుల లింకులను పున‌‌రుద్ధరిస్తే వరదనీరు సాఫీగా వెళ్లేందుకు వీలు ఉంటుందని రంగనాథ్చెప్పారు. అందుకోసం తీసుకోవాల్సిన చర్యలపై విస్తృతంగా చర్చించారు.
బెంగ‌‌ళూరులో అనుస‌‌రిస్తున్న విధానాలను క‌‌ర్ణాట‌‌క రాష్ట్ర ప్రకృతి వైప‌‌రీత్యాల నిర్వహ‌‌ణ కేంద్రం మాజీ డైరెక్టర్ డాక్టర్ జీఎస్ శ్రీ‌‌నివాస్ రెడ్డి పవర్పాయింట్ప్రజెంటేషన్ద్వారా వివరించారు. డిజాస్టర్మేనేజ్మెంట్పై బెంగ‌‌ళూరుతోపాటు దేశంలోని ఇత‌‌ర ప‌‌ట్టణాల్లో అనుస‌‌రిస్తున్న విధానాలను అధ్యయ‌‌నం చేసి మెరుగైన వ్యవ‌‌స్థను రూపొందించాల్సి అవసరం ఉందని కమిషనర్రంగనాథ్చెప్పారు.
వానలు, వరదల టైంలో ప్రజలను అలర్ట్చేయడం, గాలి కాలుష్యం, ఎప్పటికప్పుడు వర్షపాతం వివరాలు, త‌‌లెత్తుతున్న ఇబ్బందులు, తెలియజేసేలా చర్యలు ఉండాలన్నారు. అలాగే ముంపు ప్రాంతాల్లోని వరద నీటికాల్వల్లో ప్రవాహ స్థాయిని అంచ‌‌నా వేసేందుకు బెంగ‌‌ళూరులో అమ‌‌ర్చిన సెన్సార్ల ప్రయోజ‌‌నాల‌‌పై స‌‌మీక్షించారు.
