హైదరాబాద్, వెలుగు: రాష్ట్రంలో పాలన పడకేసిందని, సీఎం రేవంత్‌కు పాలించడం రావడం లేదని బీఆర్ఎస్ నేత, ఎమ్మెల్సీ మధుసూదనాచారి విమర్శించారు. ఎమ్మెల్సీలు ఎల్.రమణ, తక్కెళ్లపల్లి రవీందర్ రావు, నవీన్ కుమార్ రెడ్డితో కలిసి సోమవారం అసెంబ్లీ మీడియా పాయింట్ లో రిపోర్టర్లతో ఆయన మాట్లాడారు. హైడ్రాతో హైదరాబాద్ ప్రజలు అహాకారాలు చేస్తున్నారని, ఇది ఎవరి కోసమని మధుసూదనాచారి ప్రశ్నించారు. ఇచ్చిన హామీలు నిలుపుకోలేకే హైడ్రా పేరిట డైవర్షన్ పాలిటిక్స్ చేస్తున్నారని ఆయన దుయ్యబట్టారు.
