వరంగల్సిటీ, వెలుగు: ‘‘నేను మొగోడిని.. ఒక ట్రాన్స్‌‌‌‌‌‌‌‌జెండర్‌‌‌‌‌‌‌‌పై పోటీ చెయ్య.. అందుకే నామినేషన్ విత్డ్రా చేసుకుంటున్న..” అంటూ బీఆర్ఎస్ సీనియర్నేత రాజనాల శ్రీహరి వివాదాస్పద వ్యాఖ్యలు చేశారు. వరంగల్ తూర్పు నియోజకవర్గం నుంచి బీఆర్ఎస్ రెబల్ అభ్యర్థిగా నామినేషన్ వేసిన శ్రీహరి.. బుధవారం తన నామినేషన్ ను విత్డ్రా చేసుకున్నారు. అనంతరం ఆయన వరంగల్ కార్పొరేషన్ కార్యాలయం ఆవరణలోని మీడియా పాయింట్ వద్ద మాట్లాడారు.
డబ్బులకు ఆశపడి నామినేషన్ విత్డ్రా చేసుకోలేదని, ట్రాన్స్‌‌‌‌‌‌‌‌జెండర్‌‌‌‌‌‌‌‌పై పోటీ చేయలేక విరమించుకుంటున్నట్లు తెలిపారు. అలాగే, సిట్టింగ్ ఎమ్మెల్యే, ప్రస్తుత బీఆర్ఎస్అభ్యర్థి నరేందర్ భూకబ్జాదారుడని, రౌడీ, దొంగ అంటూ మరోమారు సంచలన వ్యాఖ్యలు చేశారు. ఎన్నికల్లో ఎవరికి మద్దతు ఇవ్వనని, బీఆర్ఎస్ అభ్యర్థి నరేందర్ఓటమి కోసం పోరాడుతానని శ్రీహరి చెప్పారు.
శ్రీహరిని పార్టీ నుంచి సస్పెండ్ చేయాలె : బీఎస్పీ అభ్యర్థి పుష్పిత లయట్రాన్స్జెండర్లపై అనుచిత వాఖ్యలు చేసిన రాజనాల శ్రీహరిని బీఆర్ఎస్పార్టీ నుంచి సస్పెండ్ చేయాలని వరంగల్ తూర్పు బీఎస్పీ ఎమ్మెల్యే అభ్యర్థి చిత్రపు పుష్పిత లయ డిమాండ్ చేశారు. శ్రీహరిని సస్పెండ్ చేయకుంటే కేసీఆర్, కేటీఆర్ ఆదేశాల మేరకే ఆయన ఇలా మాట్లాడినట్లు భావించాల్సి వస్తుందని ఆమె పేర్కొన్నారు. రాష్ట్ర వ్యాప్తంగా ఉన్న ట్రాన్స్జెండర్లు ఏకతాటిపైకి వచ్చి శ్రీహరి ఇంటిని ముట్టడిస్తామని, బీఆర్ఎస్ను ఓడిస్తామని ఆమె హెచ్చరించారు.
