జడ్చర్ల టౌన్, వెలుగు: నియోజకవర్గంలో తాను పర్యటించేటప్పుడు ఎస్కార్ట్అవసరం లేదని మహబూబ్నగర్ జిల్లా జడ్చర్ల ఎమ్మెల్యే జనంపల్లి అనిరుధ్రెడ్డి మంగళవారం జోగులాంబ జోన్ డీఐజీ చౌహాన్, ఎస్పీ హర్షవర్ధన్కు లెటర్ రాశారు. ఆ ప్రతిని వారికి అందజేశారు. పోలీసుల విలువైన సమయాన్ని తనకు ఎస్కార్ట్గా వినియోగించుకోవడం సరైంది కాదని భావిస్తున్నట్లు తెలిపారు.
నియోజకవర్గంలోని అన్ని మండలాల్లో తనకు పోలీసు శాఖ కల్పించిన ఎస్కార్ట్ వెహికల్ సౌకర్యాన్ని ఉపసంహరించుకోవాలని డీఐజీతో పాటు ఎస్పీని కోరారు. ప్రభుత్వం తనకు 2+2 సెక్యూరిటీ ఏర్పాటు చేసిందని, భవిష్యత్లో ఎస్కార్ట్ అవసరమైతే ముందుగానే తెలియజేస్తానన్నారు. ఎమ్మెల్యే లెటర్ సోషల్ మీడియాలో వైరల్ గా మారగా.. చూసిన వారంతా ఆయనను అభినందిస్తున్నారు.
