కాంగ్రెస్ ప్రభుత్వం ఏర్పడి ఏడాది పూర్తైన సందర్భంగా ప్రజాపాలన విజయోత్సవాలు నిర్వహిస్తున్న సంగతి తెలిసిందే. ఈ కార్యక్రమాల్లో భాగంగా ఆదివారం ( డిసెంబర్ 8, 2024 ) ట్యాంక్ బండ్ పై ఎయిర్ షో నిర్వహించారు. 4 :30 గంటలకు మొదలైన ఈ ఎయిర్ షోలో దాదాపుగా 30 నిమిషాల పాటు వైమానిక విన్యాసాలు ఆకట్టుకున్నాయి.నెక్లెస్ రోడ్, హెచ్ఎండీయే గ్రౌండ్స్లో జరిగిన ఈ కార్యక్రమానికి సందర్శకులు పెద్దఎత్తున వచ్చారు. వీకెండ్ కావడంతో నగరవాసులే కాకుండా ఇతర ప్రాంతాల వారు కూడా పెద్దసంఖ్యలో ప్రజలు వచ్చారు.
ఎయిర్ షోకు హీరోయిన్లు మీనాక్షి చౌదరి, అంజలితో పాటు మరికొందరు సినీ నటులు హాజరయ్యారు. అంతేకాకుండా.. హెచ్ఎండీఏ గ్రౌండ్స్లో హ్యాండీక్రాఫ్ట్స్, ఫుడ్ స్టాళ్ళు ఏర్పాటు చేశారు. అనంతరం ఐమాక్స్ గ్రౌండ్స్ లో ప్లాన్ చేసిన రాహుల్ సిప్లిగంజ్ మ్యూజికల్ కాన్సర్ట్ స్పెషల్ అట్రాక్షన్ గా నిలవనుంది.
Also Read:-నడవలేని స్థితిలో మంచు మనోజ్‌.. ఎమర్జెన్సీ వార్డులో చికిత్స..!
ఈ కార్యక్రమానికి భారీ స్పందన వస్తుందని అంచనా వేసిన అధికారులు పెద్ద ఎత్తున ఏర్పాట్లు చేశారు. ఈ సందర్భంగా ట్యాంక్ బండ్ పరిసర ప్రాంతాల్లో ఈరోజు సాయంత్రం 3 నుంచి 5 గంటల వరకు ట్రాఫిక్ ఆంక్షలు విధించారు పోలీసులు.
