దుబాయ్‌: వరల్డ్‌ కప్‌‌‌‌‌‌‌‌‌‌‌‌‌‌‌‌లో దంచికొడుతున్న టీమిండియా కెప్టెన్‌ రోహిత్‌ శర్మ ఐసీసీ వన్డే బ్యాటర్ల ర్యాంకింగ్స్‌‌‌‌‌‌‌‌‌‌‌‌‌‌‌‌లో దూసుకెళ్లాడు. బుధవారం విడుదలైన తాజా జాబితాలో ఐదు స్థానాలు మెరుగై ఆరో ర్యాంక్‌‌‌‌‌‌‌‌‌‌‌‌‌‌‌‌కు చేరుకున్నాడు. అఫ్గానిస్తాన్‌‌‌‌‌‌‌‌‌‌‌‌‌‌‌‌పై సెంచరీ కొట్టిన రోహిత్‌ పాకిస్తాన్‌‌‌‌‌‌‌‌‌‌‌‌‌‌‌‌పై ఫిఫ్టీతో రాణించడంతో అతని ర్యాంక్‌ మెరుగైంది.
సౌతాఫ్రికా ఓపెనర్‌ క్వింటన్‌ డికాక్‌ మూడు స్థానాలు మెరుగై మూడో ర్యాంక్‌ అందుకున్నాడు. పాక్‌ కెప్టెన్‌ బాబర్‌ ఆజమ్‌ అగ్రస్థానంలో కొనసాగుతున్నాడు. ఇండియా ఓపెనర్‌ శుభ్‌‌‌‌‌‌‌‌‌‌‌‌‌‌‌‌మన్‌ గిల్‌ రెండో స్థానంలో మార్పు లేదు. బౌలర్లలో కివీస్‌ స్టార్‌ ట్రెంట్‌ బౌల్ట్‌ టాప్‌ ప్లేస్‌‌‌‌‌‌‌‌‌‌‌‌‌‌‌‌లో ఉన్నాడు.
