- నల్లవెల్లి సింగిల్ విండో చైర్మన్ పోస్టుకు మోహన్ రిజైన్
- బలపరీక్ష మీటింగ్కు వెళ్లిన డీసీవోకు రాజీనామా లెటర్ అందజేత
- రిజైన్ ఆమోదించినట్లు డీసీవో శ్రీనివాస్రావు వెల్లడి
- సొసైటీలో ప్రాతినిధ్యం లేనందున ఐడీసీఎంఎస్ పదవి కోల్పోయినట్లే
- జిల్లాలో బీఆర్ఎస్కు మరో కీలక పదవి మైనస్
నిజామాబాద్, వెలుగు: నిజామాబాద్ జిల్లా మోపాల్ మండలం నల్లవెల్లి సింగిల్ విండో సొసైటీ ప్రెసిడెంట్ హోదాలో ఐడీసీఎంఎస్ చైర్మన్గా వ్యవహరిస్తున్న సాంబారి మోహన్ శుక్రవారం సొసైటీ పదవికి రాజీనామా చేశారు. మోహన్ రాజీనామాను డీసీవో ఆమోదిస్తున్నట్లు ప్రకటించగా... ఐసీడీఎంఎస్ చైర్మన్ పదవిని ఆయన ఆటోమెటిక్ గా కోల్పోయారు. మెజారిటీ డైరెక్టర్లు ఈనెల 1న ఆయనపై అవిశ్వాసాన్ని ప్రకటించిన నేపథ్యంలో బలపరీక్ష మీటింగ్నిర్వహణకు డీసీవో శ్రీనివాస్రావు సొసైటీకి వెళ్లగా ఆయనకు మోహన్ రిజైన్ లెటర్అందజేశారు. దీంతో బీఆర్ఎస్ పార్టీ డీసీసీబీ తర్వాత మరో కీలకమైన జిల్లా పదవిని కోల్పోవాల్సి వచ్చింది. బాజిరెడ్డి గోవర్ధన్ పార్లమెంట్ అభ్యర్థిగా నామినేషన్ వేసిన రోజే ఆయన దగ్గరి శిష్యుడైన సాంబారి మోహన్ ఇలా పదవులు కోల్పోయారు.
అవిశ్వాస మీటింగ్లో సక్సెస్ కష్టమని భావించి జిల్లాలో డీసీసీబీ (జిల్లా సహకార కేంద్ర బ్యాంకు) తర్వాత రైతు సేవలతో ముడిపడి ఉన్న ఐడీసీఎంఎస్ (ఇందూర్ డిస్ట్రిక్ట్ కోఆపరేటివ్ మార్కెటింగ్ సొసైటీ) చైర్మన్ పదవికి 2020 ఏప్రిల్లో సాంబారి మోహన్ ఎన్నికయ్యారు. బీఆర్ఎస్ గవర్నమెంట్హయాంలో రూరల్ఎమ్మెల్యే బాజిరెడ్డి గోవర్ధన్ తన వర్గీయుడికి ఈ పదవి ఇప్పించారు.
వచ్చే ఏడాది ఏప్రిల్ దాకా ఆయన పదవీకాలం ఉంది. ఈ నెల1న నల్లవెల్లి సొసైటీకి చెందిన 13 మంది డైరెక్టర్లలో తొమ్మిది మంది సాంబారి మోహన్పై అవిశ్వాసాన్ని ప్రకటిస్తూ డీసీవో శ్రీనివాస్రావుకు లెటర్ ఇచ్చారు. ఈ నేపథ్యంలో స్పెషల్ మీటింగ్కండక్ట్ చేయడానికి శుక్రవారం వెళ్లారు. నో కాన్ఫిడెన్స్ గట్టేక్కే పరిస్థితి లేనందున ఆయన సొసైటీ చైర్మన్ పదవికి రిజైన్చేశారు. ఆయన రాజీనామాను యాక్సెప్ట్ చేసిన డీసీవో వైస్ చైర్మన్ రమేశ్కు ఇన్చార్జి చైర్మన్ బాధ్యతలు అప్పగించారు.
ఐడీసీఎంఎస్కు లింక్
డీసీసీబీ తరహాలోనే జిల్లాలోని సింగిల్ విండో సొసైటీ ప్రెసిడెంట్లు తమలో పది మందిని ఐడీసీఎంఎస్ డైరెక్టర్లుగా ఎన్నుకుంటారు. ఆ పది మందిలో ఒకరు ప్రెసిడెంట్గా మరొకరు వైస్ ప్రెసిడెంట్గా ఓటింగ్ విధానంలో ఎలక్ట్ అవుతారు. నల్లవెల్లి సొసైటీ అధ్యక్షుడి పొజిషన్కు సాంబారి మోహన్ రిజైన్ చేసినందున ఐడీసీఎంఎస్లో డైరెక్టర్, చైర్మన్ పదవిని ఆటోమెటిక్గా కోల్పోయినట్లే.
గత నెల డీసీసీబీ చైర్మన్గా పోచారం భాస్కర్రెడ్డిని నో కాన్ఫిడెన్స్తో తప్పించి కుంట రమేశ్ రెడ్డిని పదవిలో కూర్చోబెట్టిన డైరెక్టర్లు ఐడీసీఎంఎస్ కుర్చీని బీఆర్ఎస్కు చెందిన సాంబారి మోహన్కు దూరం చేయాలనే పట్టుదలతో పావులు కదిపి సక్సెస్ అయ్యారు. పదవి కాపాడుకోడానికి మోహన్ కాంగ్రెస్లో చేరాలని ప్రయత్నించగా కార్యకర్తలు వ్యతిరేకత దృష్ట్యా రూరల్ ఎమ్మెల్యే డాక్టర్ భూపతిరెడ్డి అంగీకరించలేదు. చివరకు తన గురువు బాజిరెడ్డి గోవర్ధన్ పార్లమెంట్ క్యాండిడేట్గా నామినేషన్ వేసిన రోజు పదవికి రాజీనామా చేయాల్సి పరిస్థితి ఎదురైంది.
అనర్హత లెటర్ ఇస్తం
సొసైటీ ఛైర్మన్ పోస్టుకు సాంబారి మోహన్ రాజీనామా చేసినందున ఐడీసీఎంఎస్లో డైరెక్టర్, ఛైర్మన్ హోదాలు పోయినట్లేనని డీసీవో శ్రీనివాస్రావు 'వెలుగు'కు క్లారిటీ ఇచ్చారు. ఇందుకు సంబంధించిన ప్రత్యేక లెటర్ ఆయనకు అందిస్తామన్నారు.
- డీసీవో శ్రీనివాస్రావు
