ముంబై: ఐసీఐసీఐ బ్యాంక్ తన సేవింగ్స్ ఖాతాలపై డిపాజిట్ వడ్డీ రేటును 0.25 శాతం తగ్గించిందని కంపెనీ వెబ్‌‌‌‌‌‌‌‌సైట్ తెలిపింది. ఆర్బీఐ వరుసగా రెండు సార్లు వడ్డీ రేట్లు తగ్గించిన తర్వాత బ్యాంకు ఈ నిర్ణయం తీసుకుంది. హెచ్డీఎఫ్సీ బ్యాంక్ కూడా రేట్లకు కోత పెట్టింది. ఐసీఐసీఐ బ్యాంక్ డిపాజిటర్లు తమ సేవింగ్స్ బ్యాంక్ బ్యాలెన్స్‌‌‌‌‌‌‌‌పై రూ.50 లక్షల వరకు 2.75 శాతం వడ్డీని పొందుతారు.
హెచ్డీఎఫ్సీ బ్యాంక్ కూడా ఇదే మొత్తంలో వడ్డీ ఇస్తోంది. రూ.50 లక్షల కంటే ఎక్కువ బ్యాలెన్స్‌‌‌‌‌‌‌‌లకు వడ్డీని 3.25 శాతానికి తగ్గించామని ఐసీఐసీఐ తెలిపింది. ఐసీఐసీఐ బ్యాంక్ కొత్త రేట్లు బుధవారం నుంచి వర్తిస్తాయి. ఎస్బీఐ ప్రస్తుతం సేవింగ్స్ బ్యాంక్ ఖాతాలకు 2.70 శాతం వడ్డీ రేటును అందిస్తోంది. గత కొన్ని రోజులుగా ఇతర బ్యాంకు కూడా టర్మ్ డిపాజిట్ రేటును తగ్గించాయి.
