- ఆర్బీఐ గవర్నర్ శక్తికాంత దాస్
న్యూఢిల్లీ: ప్రజలు తమ వద్ద ఉండే రూ. 2 వేల నోట్లను పోస్టులో రిజర్వ్ బ్యాంక్ ఆఫ్ ఇండియా (ఆర్బీఐ)కి పంపిస్తే, వారి బ్యాంకు అకౌంట్లలో ఆ మొత్తాన్ని జమ చేస్తామని గవర్నర్ శక్తికాంత దాస్ వెల్లడించారు. స్పెసిఫైడ్ రీజినల్ ఆఫీసులకు ఇన్సూర్డ్ పోస్ట్ ద్వారా రెండు వేల నోట్లను పంపించాల్సి ఉంటుందని చెప్పారు. ఈ అవకాశంలో ప్రజలకు ఎలాంటి ఇబ్బందులూ ఉండవని ఆయన పేర్కొన్నారు.
ఎక్కడో దూరంగా ఉండే ఆర్బీఐ రీజినల్ ఆఫీసులకు ప్రజలు ప్రయాణించాల్సిన అవసరం ఉండదని వివరించారు. ట్రిపుల్ లాక్ రిసెప్టకిల్ (టీఎల్ఆర్) ఫార్మ్ ఆప్షన్ కూడా కల్పిస్తున్నట్లు చెప్పారు. ఈ రెండు పద్ధతులూ చాలా సురక్షితమైనవేనని, అందుచేత భయపడాల్సిన అవసరం లేదని ఆర్బీఐ రీజినల్ డైరెక్టర్ రోహిత్ పీ దాస్ వెల్లడించారు. ఒక్క ఢిల్లీ ఆఫీసులోనే ఇప్పటిదాకా 700 టీఎల్ఆర్ ఫార్మ్స్ తమకు వచ్చినట్లు చెప్పారు.
19 రీజినల్ ఆఫీసులలో రూ. 2 వేల నోట్లను మార్చుకునే అవకాశాన్ని అక్టోబర్ 8 నుంచి ఆర్బీఐ అందుబాటులోకి తెచ్చిన విషయం తెలిసిందే. ప్రజల చేతిలో ఇంకా రూ. 10,000 వేల కోట్ల విలువైన రూ. 2 వేల నోట్లు మాత్రమే మిగిలాయని ఇటీవలే ఆర్బీఐ గవర్నర్ శక్తికాంత దాస్ చెప్పిన విషయం తెలిసిందే.
ALSO READ : రెండు గుంటలు అమ్ముకొని ఇల్లు కట్టుకోండి : మదన్ రెడ్డి
