కడెం, వెలుగు: ఇటీవల వర్షాలతో వచ్చిన వరదల కారణంగా ప్రమాదపుటంచుకు చేరుకున్న కడెం ప్రాజెక్టును ఆధునీకరించేందుకు సర్కారు కసరత్తు మొదలుపెట్టింది. వరద ఉధృతి కారణంగా ఒక దశలో ప్రాజెక్టు కొట్టుకుపోతుందేమోనన్న అనుమానాలు కూడా తలెత్తాయి. దాదాపు 5 లక్షల క్యూసెక్కులకు పైగా వరద రావడం, దిగువకు కేవలం 2 లక్షల క్యూసెక్కులను మాత్రమే వదలడంతో ఏమవుతుందోనన్న ఆందోళన నెలకొంది. అదృష్టవశాత్తు వరద ప్రవాహం తగ్గడంతో ప్రాజెక్టుకు ముప్పు తప్పింది. భవిష్యత్లో ఎలాంటి ప్రమాదం జరగకూడదనే ఉద్దేశంతో ప్రాజెక్టు ఆధునీకరణ అంశాన్ని ప్రభుత్వం సీరియస్గా తీసుకుంది. ఇందులో భాగంగా హైలెవెల్ టెక్నికల్ టీంను కడెంకు పంపింది. సోమవారం ఈ టీం ప్రాజెక్టును సందర్శించి ఆధునీకరణకు అవసరమయ్యే చర్యలను పరిశీలించారు.
కొద్ది రోజుల తర్వాతే ఆపరేట్చేస్తాం
హైదరాబాద్కు చెందిన ఈఎన్సీ విభాగంలోని ఓఅండ్ఎం ఈఈ విద్యానంద్, డీఈ కరుణాకర్, రిటైర్డ్ ఈఈ సురేందర్, జేఈ సంగీత్కడెం ప్రాజెక్టులోని తొమ్మిది గేట్లను, తెగిన కౌంటర్వేటర్లను, గేట్ల ఆపరేటింగ్మోటార్లను చూశారు. ఎగువ నుంచి వచ్చిన వరద వివరాలతో పాటు మైసమ్మ ఆలయం వద్ద గండిని పరిశీలించారు. దాదాపు 3గంటల పాటు క్షుణ్ణంగా అబ్జర్వ్చేసిన తర్వాత మీడియాతో మాట్లాడారు. గేట్లపై నుంచి నీరు పొంగి ప్రవహించడంతో ప్రస్తుతం గేట్లను ఆపరేట్ చేయలేమన్నారు. ఒకవేళ అలా చేసినట్టయితే తడిసిన మోటార్లు కాలిపోయే ప్రమాదం ఉందన్నారు.
కొద్ది రోజుల సమయం తీసుకుని ఆపరేట్చేయాల్సి ఉంటుందన్నారు. అప్పుడే ఎన్ని గేట్లు పని చేస్తాయో తెలుస్తుందన్నారు. ప్రస్తుతం ప్రాజెక్టు డెడ్ స్టోరేజీ స్థాయికి చేరిందని, ఓపెన్చేసి ఉన్న గేట్లు మూసేంత వరకు ఎగువ ప్రాంతం నుంచి వచ్చే వరద నీటిని గోదావరిలోకి వదలనున్నట్లు చెప్పారు. తెగిపడిన కౌంటర్వేటర్లను తొలగించి వాటి స్థానంలో కొత్త వాటిని రీప్లేస్ చేస్తామన్నారు. వీటికి సంబంధించిన వివరాలతో ప్రభుత్వానికి నివేదిక ఇస్తామన్నారు. టీం వెంట కలెక్టర్ ముషారఫ్ఆలీ ఫారూఖి, ఎస్ఈ సుశీల్ దేశ్పాండే, ఈఈ రాజశేఖర్, ఋడీఈ భోజదాస్ఉన్నారు.
