ప్రెసిడెన్షియల్ ఎలక్షన్లో టైట్ఫైట్పై ఉత్కంఠ
రీకౌంటింగ్, పోస్టల్ బ్యాలెట్లపై గొడవలు కోర్టుకెళ్లే చాన్స్
20 ఏండ్ల కిందటి ఎలక్షన్లో ఇదే తరహా సిచ్యువేషన్
రీకౌంటింగ్ ఆపి రిజల్ట్ ప్రకటించాలన్న సుప్రీంకోర్టు
జార్జ్బుష్కు కలసివచ్చి ప్రెసిడెంట్ అయిన తీరు
వాషింగ్టన్: అమెరికా ప్రెసిడెంట్ ఎలక్షన్ల రిజల్ట్ పై అంతటా ఉత్కంఠ నెలకొంది. టైట్గా జరుగుతున్న పోటీలో ఎవరికీ స్పష్టమైన మెజార్టీ రాకున్నా, ఓట్ల శాతంలో అతితక్కువ తేడా ఉన్నా వ్యవహారం కోర్టుకు వెళ్లే అవకాశం ఉంది. అత్యంత భారీగా నమోదైన పోస్టల్ బ్యాలెట్(మెయిల్ఇన్) ఓట్లు, వాటి లెక్కింపు కోసం చాలా టైం తీసుకునే అవకాశం ఉండటం, రీకౌంటింగ్కు డిమాండ్లు వంటి అంశాల్లో అమెరికా సుప్రీంకోర్టు నిర్ణయమే కీలకంగా మారే చాన్స్ ఉంది. ఇప్పటికే పోస్టల్ బ్యాలెట్ల చట్టబద్ధతను ప్రశ్నిస్తూ.. అమెరికాలోని స్టేట్ కోర్టులు, ఫెడరల్ కోర్టుల్లో 400కుపైగా పిటిషన్లు దాఖలయ్యాయి. వీటికితోడు ఓట్ల రీకౌంటింగ్, పోస్టల్ బ్యాలెట్ ఓట్లపై ప్రెసిడెంట్ క్యాండిడేట్లు ఎవరైనా సుప్రీంకోర్టుకు వెళితే ఏమిటన్నది ఆసక్తిగా మారింది. ఇంతకుముందు 20 ఏండ్ల కింద 2000వ సంవత్సరంలో జరిగిన ప్రెసిడెన్షియల్ ఎలక్షన్లలో ఈ పరిస్థితి ఏర్పడింది.
36 రోజులు సాగి..
2000వ సంవత్సరంలో జరిగిన అమెరికా ప్రెసిడెన్షియల్ ఎలక్షన్లు ఆ దేశ చరిత్రలో రికార్డుగా నిలిచిపోయాయి. పోలింగ్ జరిగిన తర్వాత రీకౌంటింగ్లు, కోర్టుల్లో పిటిషన్లు, విచారణల కారణంగా.. ప్రెసిడెంట్ ఎవరో తేలడానికి ఏకంగా 36 రోజులు పట్టింది. చివరికి అమెరికా సుప్రీంకోర్టు నిర్ణయంతోనే ప్రెసిడెంట్ ఎవరో తేల్చాల్సి వచ్చింది. అప్పుడు డెమొక్రాట్ల తరఫున అల్గోర్, రిపబ్లికన్ల తరఫున జార్జ్బుష్ నువ్వానేనా అన్నట్టుగా పోటీ పడ్డారు. దాదాపు హంగ్ తరహా రిజల్ట్ వచ్చింది. దాంతో డెమొక్రాట్లు రీకౌంటింగ్ కోసం డిమాండ్ చేశారు. అత్యంత కీలకమైన ఫ్లోరిడా, మరికొన్ని స్టేట్స్లో రీకౌంటింగ్ కూడా మొదలై.. వారాల పాటు సాగింది. అయితే రీకౌంటింగ్లో అక్రమాలు జరుగుతున్నాయంటూ రిపబ్లికన్ పార్టీ సపోర్టర్లు ఆందోళనలకు దిగారు. రీకౌంటింగ్ ఆపేసి జార్జ్బుష్ను ప్రెసిడెంట్గా ప్రకటించాలంటూ కోర్టులను ఆశ్రయించారు. ఆ టైంలో అమెరికా సుప్రీంకోర్టు అక్కడి రాజ్యాంగంలోని ‘సేఫ్హార్బర్ ప్రొవిజన్’ను వాడింది. దీని ప్రకారం.. ఓ నిర్ణీత టైంలోగా విన్నర్ను ఖరారు చేయాల్సి ఉంటుంది. దీంతో రీకౌంటింగ్ను ఆపేసిన సుప్రీంకోర్టు.. జార్జ్బుష్ను ప్రెసిడెంట్గా ఎంపిక చేసింది.
కోర్టు ఓటుతోనే బుష్ గెలిచారు
2000 ఎలక్షన్లలో కేవలం కోర్టు నిర్ణయం వల్లే జార్జ్బుష్ గెలిచారని, ప్రజల సపోర్ట్ ప్రకారం అల్గోర్ ప్రెసిడెంట్ అయి ఉండాల్సిందని ఫ్లొరిడా డెమొక్రటిక్ రిప్రజెంటేటివ్ జోసెఫ్ గెల్లర్ చెప్పారు. ఆ ఎలక్షన్ నాటి పరిస్థితిని ఆయన గుర్తు చేసుకున్నారు. రీకౌంటింగ్లో బుష్ ఓడిపోయే పరిస్థితి ఉందంటూ రిపబ్లికన్ సపోర్టర్లు భారీగా ఆందోళనలకు దిగారని.. దానివల్ల రీకౌంటింగ్ నిలిపివేసే పరిస్థితి
వచ్చిందన్నారు.
For More News..
