లెజెండరీ మ్యూజిక్ డైరెక్టర్ ఇళయరాజా తమిళనాడులోని శ్రీవిల్లిపుత్తూరు ఆండాళ్ ఆలయ గర్భగుడిలోకి ప్రవేశించగా.. అక్కడ ఉన్న జీయర్లు అడ్డుకోవడం వివాదానికి దారి తీసిన సంగతి తెలిసిందే. ఆ మండపం ద్వారా గర్భగుడిలోకి కేవలం జీయర్లకు మాత్రమే అనుమతి ఉందని తెలిపిన జీయర్లు ఇళయారాజాను అనుమతించేందుకు నిరాకరించారు. ఈ క్రమంలో ఆలయ సిబ్బంది ఆలయ నిబంధనలను ఇళయరాజాకు వివరించగా.. బయటకు వెళ్లి అక్కడి నుంచే పూజలు చేశారు ఇళయరాజా. ఈ ఘటనపై ఇళయరాజా అభిమానులు పెద్ద ఎత్తున నిరసనలు తెలిపారు. ఇదిలా ఉండగా.. ఈ వివాదంపై స్పందించారు ఇళయరాజా. ఈ మేరకు ఎక్స్ లో ఓ ట్వీట్ ద్వారా వివాదానికి ఫుల్ స్టాప్ పెట్టే ప్రయత్నం చేశారు ఇళయరాజా.
శ్రీవిల్లిపుత్తూరు ఆండాళ్ ఆలయ గర్భగుడిలోకి వెళ్తున్న తనను బయటకు వెళ్లిపోవాలని జీయర్లు చెప్పినట్లు వస్తున్న వార్తలను ఖ్నదించారు ఇళయరాజా. తన చుట్టూ కొంతమంది అసత్య ప్రచారాలు చేస్తున్నారని... తాను ఏ సమయంలోనైనా.. ఎక్కడైనా, తన ఆత్మగౌరవం విషయంలో రాజీపడే వ్యక్తిని కాదని అన్నారు ఇళయరాజా.
என்னை மையமாக வைத்து சிலர் பொய்யான வதந்திகளைப் பரப்பி வருகிறார்கள். நான் எந்த நேரத்திலும், எந்த இடத்திலும் என்னுடைய சுய மரியாதையை விட்டுக் கொடுப்பவன் அல்ல, விட்டுக்கொடுக்கவும் இல்லை. நடக்காத செய்தியை நடந்ததாகப் பரப்புகின்றார்கள். இந்த வதந்திகளை ரசிகர்களும், மக்களும் நம்ப வேண்டாம்.
— Ilaiyaraaja (@ilaiyaraaja) December 16, 2024
జరగని విషయాన్ని కూడా జరిగినట్లుగా ప్రచారం చేస్తున్నారని... అభిమానులు, ప్రజలు ఈ పుకార్లను నమ్మొద్దంటూ ఎక్స్ లో ట్వీట్ చేశారు ఇళయరాజా.
