ఎల్బీనగర్, వెలుగు: హయత్నగర్సర్కిల్ హుడా సాయినగర్కాలనీ రోడ్నం.5లో ఓ వ్యక్తి రోడ్డును ఆక్రమించి చేపట్టిన నిర్మాణాన్ని జీహెచ్ఎంసీ అధికారులు సోమవారం కూల్చివేశారు. ఆక్రమణపై రెండేండ్లుగా స్థానికుల నుంచి జీహెచ్ఎంసీ అధికారులకు ఫిర్యాదులు అందుతూనే ఉన్నాయి. 120 అడుగుల రోడ్డును 4 అడుగుల మేర ఆక్రమించారని ఫిర్యాదుల్లో పేర్కొంటున్నా బల్దియా అధికారులు స్పందించలేదు. దీంతో కాలనీ వాసులు గతేడాది సెప్టెంబర్లో హైకోర్టును ఆశ్రయించారు. అక్రమ నిర్మాణాన్ని కూల్చివేయాలని కోర్టు జీహెచ్ఎంసీ అధికారులను ఆదేశించినా పట్టించుకోలేదు. దీంతో కాలనీవాసులు మరోసారి ఒత్తిడి తేవడంతో సోమవారం అక్రమ నిర్మాణాన్ని కూల్చివేశారు.
