సంగారెడ్డి జిల్లా అమీన్పురా మండలంలో అక్రమ నిర్మాణాలపై రెవిన్యూ అధికారులు కొరడా ఝళిపించారు. ఐలాపూర్ గ్రామ పరిధిలోని ఆర్ఎస్ నెంబరు 119లో 20 ఎకరాల భూమి కోర్డు వివాదంలో ఉంది. అయితే కొంతమంది ఈ భూమిలో రియల్ వెంచర్ వేసేందుకు కార్యాచరణ రూపొందించి ప్లాట్లకు సరిహద్దు రాళ్లను వేశారు. సమాచారం అందుకున్న రెవిన్యూ అధికారులు ఘటనా స్థలానికి చేరుకొని సరిహద్దు రాళ్లను తీసేసి నిర్మాణాలను కూల్చేశారు. అలాగే అమీన్ పుర మున్సిపల్ పరిధిలోని 462 సర్వే నంబర్ లో ప్యూజియన్ స్కూల్ ఉన్న 17 గుంటల ప్రభుత్వ భూమి... అమీన్పూరు రోడ్డు పక్కన మున్సిపల్ చైర్మన్ పాండురంగారెడ్డి నిర్మించిన కమర్షియల్ శేటర్స్ ప్రభుత్వ భూమిలో ఉన్నందువలన వాటన్నిటినీ కూల్చి వేయడం జరుగుతుందన్నారు. ఈ ఆక్రమణలపై హైడ్రాకు.. రెవిన్యూ అధికారులకు ఫిర్యాదులు అందాయని పోలీసు అధికారుల సాయంతో అక్రమ నిర్మాణాలను కూల్చివేశామన్నారు.
