ఆదిలాబాద్, వెలుగు : భైంసాలో హనుమాన్ దీక్ష స్వాములపై అక్రమ కేసులు పెట్టారని ఎమ్మెల్యే పాయల్ శంకర్ ఆరోపించారు. ఆదిలాబాద్ జిల్లా కేంద్రంలోని సెంట్రల్ జైలులో రిమాండ్ లో ఉన్న స్వాములను నిర్మల్ ఎమ్మెల్యే మహేశ్వర్ రెడ్డి, ముథోల్ ఎమ్మెల్యే రామారావు పటేల్తో కలిసి పరామర్శించారు. ఈ సందర్భంగా ఆయన మాట్లాడుతూ.. భైంసాలో జరిగిన ఘటనకు బాధ్యులను చేస్తూ హనుమాన్ దీక్షలో ఉన్న స్వాములను
అరెస్టు చేసి రిమాండ్కు పంపించడం చూస్తుంటే హిందువులు, బీజేపీపై కాంగ్రెస్ ప్రభుత్వం అక్కసును వెళ్లగకుతోందని ఆరోపించారు. రాముడిపై అనుచిత వ్యాఖ్యలు చేసిన కేటీఆర్కు వ్యతిరేకంగా హనుమాన్ మాలాధారులు శాంతియుతంగా నిరసన తెలుపుతుండగా.. వేరే వర్గానికి చెందిన కొందరు దుండగులు టమాటాలతో దాడికి పాల్పడితే దానికి స్వాములను బాధ్యులను చేస్తూ అక్రమంగా కేసులు బానాయించారని అన్నారు.
