- పాన్ షాప్ ఓనర్ అరెస్ట్
కంటోన్మెంట్, వెలుగు: అర్ధరాత్రి టైంలో గుట్కా, సిగరెట్లు అమ్మడమే కాకుండా, షాప్ క్లోజ్చేయించేందుకు వచ్చిన పోలీసులతో దురుసుగా ప్రవర్తించిన వ్యక్తిని బోయినపల్లి పోలీసులు అరెస్ట్ చేశారు. ఎస్సై రాజు తెలిపిన వివరాల ప్రకారం.. సికింద్రాబాద్ సిక్ విలేజ్కు చెందిన మహ్మద్ నవాజ్(41) స్థానిక మెయిన్ రోడ్డు పక్కన పాన్షాప్ నడుపుతున్నాడు. అయితే నవాజ్ అర్ధరాత్రి దాటినా షాప్క్లోజ్ చేయడం లేదు. పైగా మైనర్లు, యువకులకు నిషేధిత గుట్కా, సిగరెట్లు అమ్మతున్నాడు.
సమాచారం అందుకున్న పోలీసులు ఇప్పటికే నవాజ్కు రెండుసార్లు వార్నింగ్ఇచ్చి, ఫైన్ వేశారు. అయినప్పటికీ నవాజ్లో మార్పు రాలేదు. సోమవారం అర్ధరాత్రి వరకు షాప్ కొనసాగిస్తుండడంతో పోలీసులు వెళ్లి క్లోజ్చేయమనగా నవాజ్వారితో దురుసుగా ప్రవర్తించాడు. దాడికి దిగాడు. బోయినపల్లి పోలీసులు అతడిని అరెస్ట్ చేసి కోర్టులో హాజరుపరిచారు. కోర్టు నవాజ్ కు మూడ్రోజుల జైలు శిక్షతో పాటు ఫైన్ వేసింది.
