ప్రభాస్ హీరోగా హను రాఘవపూడి దర్శకత్వంలో రూపుదిద్దుకుంటున్న సినిమా ఫౌజీ. ఈ సినిమాని టాలీవుడ్ ప్రముఖ సినీ నిర్మాతలు నవీన్ యెర్నేని, రవిశంకర్ కలసి మైత్రీ మూవీ మేకర్స్ బ్యానర్ పై నిర్మిస్తున్నాడు. ఫౌజీలో ప్రభాస్ కి జోడీగా యంగ్ బ్యూటీఫుల్ హీరోయిన్ ఇమాన్వి నటిస్తోంది. యాక్షన్ ప్యాక్డ్ డ్రామా బ్యాక్ డ్రాప్ లో తెరకెక్కిస్తున్నారు.
ఇప్పటికే పూజ కార్యక్రమాలు పూర్తి చేసుకున్న ఈ సినిమా షూటింగ్ నెమ్మదిగా సాగుతోంది. కాగా ప్రభాస్ ఇప్పటివరకూ సలార్, కల్కి 2898AD, ది రాజా సాబ్ సినిమాల షూటింగ్ లో బిజీగా ఉండటంతో ఈ సినిమాకు షెడ్యూల్ కేటాయించలేక పోయాడు. అయితే ఈ సినిమాలో హీరోయిన్ గా నటిస్తున్న ఇమాన్వి ఇన్స్టాగ్రామ్ లో డ్యాన్స్ రీల్స్ చేస్తూ పాపులర్ అయ్యింది. ఈ క్రమంలో ప్రభాస్ సరసన హీరోయిన్ నటించే ఆఫర్ కొట్టేసింది.
ప్రభాస్ కి జోడీగా నటించే ఆఫర్ అయితే వచ్చిందికానీ రెమ్యూనరేషన్ మాత్రం చాలా తక్కువని తెలుస్తోంది. కాగా ఫౌజీ సినిమాకి హీరో ప్రభాస్ రూ. 100 కోట్లకు పైగా పారితోషికం అందుకుంటున్నాడు. కానీ ఇమాన్వి మాత్రం కేవలం రూ.20 లక్షలు రెమ్యూనరేషన్ తీసుకుంటున్నట్లు తెలుస్తోంది. దీంతో ఇమాన్వి ఫ్యాన్స్ అవాక్కవుతున్నారు.
అలాగే స్టార్ హీరోల సినిమాల్లో నటించే ఆఫర్లు దక్కించుకున్నంతమాత్రాన కోట్లలో రెమ్యూనరేషన్ ఇస్తారనుకోవడం భ్రమ అని కొందరు నెటిజన్లు కామెంట్లు చేస్తున్నారు. మరికొందరు మాత్రం ఫౌజి సినిమాలో హీరోయిన్ కి పెద్దగా స్కోప్ ఉండదని, అలాగే ఇప్పటివరకూ ఇమాన్వి స్టార్ హీరోలతో కలసి నటించిన అనుమభవం లేకపోవడంతో రెమ్యూనరేషన్ తక్కువగా ఇస్తున్నారని అంటున్నారు.
