ఓటు వెయ్.. చాలెంజ్ చెయ్​

•     సిటీలో డివిజన్ల వారీగా వాట్సాప్ గ్రూప్ లు
•     ఓటు వేసి చాలెంజ్ చేస్తూ     ఫొటో పోస్ట్  చేయాలని
•     యూఎఫ్ఆర్​డబ్ల్యూఏఎస్  పిలుపు
•     సిటిజన్లలో కొంతైనా ఓటింగ్ శాతం పెరుగుతుందని ఆశాభావం
•     ఈసారి కూడా మంచి రెస్పాన్స్ వస్తుందన్న ప్రెసిడెంట్ ​శ్రీనివాస్

హైదరాబాద్, వెలుగు: ఓటర్లలో ఉత్సాహాన్ని పెంచేందుకు సిటీలో లోక్ సభ పోలింగ్ శాతాన్ని పెంచేందుకు యునైటెడ్ ఫెడరేషన్​ఆఫ్​ రెసిడెంట్ వెల్ఫేర్​అసోషియేషన్స్(యూఎఫ్ఆర్​డబ్ల్యూఏఎస్​) వినూత్న కార్యక్రమాన్ని చేపట్టింది. ఓటేసిన వెంటనే ప్రతి ఒక్కరు సెల్ఫీ తీసుకొని ఆయా కాలనీ వాట్సప్​ గ్రూపుల్లో పోస్ట్ చేయాలని సూచించింది. గత అసెంబ్లీ ఎన్నికల్లో కూడా ఓట్​చాలెంజ్ ​ప్రోగ్రామ్  నిర్వహించామని, ఈ ఎన్నికల్లో కూడా మంచి రెస్పాన్స్​ వస్తోందని యూఎఫ్ఆర్​డబ్ల్యూఏఎస్ ప్రెసిడెంట్​టీబీ శ్రీనివాస్​తెలిపారు. 

డివిజన్ల వారీగా వాట్సాప్​ గ్రూపులు

గ్రేటర్​ సిటీలోని  4,800 కాలనీల్లో ఓటింగ్​తక్కువగా నమోదవుతున్న ప్రాంతాలను ఎంచుకొని డివిజన్ల వారీగా వాట్సాప్​ గ్రూపుల్లో ఓటు ​చాలెంజ్​ ఫొటోలను పోస్ట్ చేయాలని యూఎఫ్​ఆర్​డబ్ల్యూఏఎస్ పిలుపునిచ్చింది. ఒక్కో డివిజన్ గ్రూప్​లో దాదాపు వెయ్యి మంది ఉంటారని, సోమవారం  ఓటేసిన వెంటనే ఒక్కరున్నా, ఫ్యామిలీతో అయినా... ప్రౌడ్​ ఓటర్ అనే ట్యాగ్ తో ఫొటోలను పోస్టు చేయాలని గ్రూప్​ సభ్యులకు సూచించింది. ఓటు వేసిన వారు ఇతరులకు చాలెంజ్​ చేయాలని, దీని ద్వారా  వారు ఇన్ స్పైర్ అవుతారని పేర్కొంది.

ముఖ్యంగా యువతలో ఓటు వేసేవారిని ఈ చాలెంజ్ ఎక్కువగా ఆకర్షింస్తుందని, ఒకరిని చూసి మరొకరు.. పోస్టులు చేసుకుంటారని చెబుతున్నారు. దీనితో కొంతైనా ఓటింగ్ శాతం పెరుగుతుందని అసోసియేషన్​ సభ్యులు అంటున్నారు. కాగా, సిటీలో పోలింగ్​శాతాన్ని పెంచేందుకు ఎన్నికల సంఘం, జీహెచ్​ఎంసీ అనేక అవగాహన కార్యక్రమాలు నిర్వహించాయి. వాటితో పాటు పలు స్వచ్ఛంద సంస్థలు కూడా అవేర్​నెస్​ ప్రోగ్రామ్స్​చేపట్టాయి. స్వీప్(ఎస్​వీఈఈపీ) సహకారంతో యూఎఫ్​ఆర్​డబ్ల్యూఏఎస్ కూడా ఇలాంటి వినూత్న కార్యక్రమం చేపడుతుంది.