న్యూఢిల్లీ: మనదేశంలో జులైలో ఆర్థిక కార్యకలాపాలు విస్తరించాయి. సేవలలో పెరుగుదల, తయారీ ఊపందుకోవడమే ఇందుకు కారణం. హెచ్ఎస్బీసీ హోల్డింగ్స్ ఫ్లాష్ సర్వే ప్రకారం.. సేవల కొనుగోలు మేనేజర్ల ఇండెక్స్ గత నెలలో 60.5 నుంచి 61.1కి పెరిగింది. అయితే తయారీ కొనుగోలు మేనేజర్ల ఇండెక్స్ జూన్లో 58.3 నుంచి 58.5కి కొద్దిగా పెరిగింది. ఇది కాంపోజిట్పీఎంఐని మునుపటి నెల 60.9 నుంచి మూడు నెలల గరిష్ట స్థాయి 61.4కి తీసుకువెళ్లింది. పీఎంఐ 50 కంటే ఎక్కువ ఉంటే విస్తరణను సూచిస్తుంది.
