ఇందల్వాయి, వెలుగు: రెండుసార్లు ఎమ్మెల్యేగా గెలిచిన బాజిరెడ్డి గోవర్ధన్ రూరల్ నియోజకవర్గంలో గుంట భూమికి కూడా సాగునీరు అందించలేదని బీజేపీ అభ్యర్థి దినేశ్కుమార్ కులాచారి ఆరోపించారు. గురువారం ఆయన ఇందల్వాయి మండలంలోని పలు గ్రామాల్లో ఎన్నికల ప్రచారం నిర్వహించారు. ఈ సందర్భంగా దినేశ్ మాట్లాడుతూ గత ఎన్నికల సందర్భంగా రెండేండ్లలో నియోజకవర్గంలోని భూములకు సాగునీరందిస్తానని, లేని పక్షంలో రాజీనామా చేస్తానని బాజిరెడ్డి హామీ ఇచ్చారని, అయిదేండ్లలోనూ నీరందించ లేకపోయారన్నారు.
ఇప్పుడు మళ్లీ ఓట్లడగడానికి వస్తున్నారన్నారు. భవిష్యత్తరాలు బాగుండాలంటే బీజేపీకి ఓటేయాలన్నారు. గెలిచిన తర్వాత మూడు నెలలకు ఒకసారి ప్రతీ గ్రామానికి వెళ్లి ప్రజల సమస్యలను పరిష్కరిస్తానన్నారు. పార్లమెంట్కన్వీనర్ గద్దె భూమన్న, మండలాధ్యక్షుడు రాజన్న పాల్గొన్నారు.
