- బరిలో సీనియర్ లీడర్ షబ్బీర్ అలీ
- జిల్లాలో మైనార్టీ ఓట్లపై ప్రభావం చూపేలా పావులు
- కామారెడ్డికి బదులు అర్బన్ లో పోటీ చేస్తున్న మైనార్టీ నేత
నిజామాబాద్, వెలుగు : నిజామాబాద్ అర్బన్ నియోజకవర్గం విషయంలో కాంగ్రెస్అధిష్టానం వ్యూహాత్మకంగా అడుగులు వేస్తోంది. పార్టీలో మైనార్టీ వర్గానికి చెందిన సీనియర్లీడర్షబ్బీర్అలీకి అర్బన్ టికెట్ కేటాయించింది.అర్బన్ సెగ్మెంట్లో అభ్యర్థి గెలుపోటములను డిసైడ్ చేసే స్థాయిలో మైనార్టీ ఓట్లు ఉన్న నేపథ్యంలో షబ్బీర్ని పోటీ చేయించి, ఆ స్థానాన్ని దక్కించుకోవాలని పావులు కదుపుతోంది. ఇప్పటికే అర్బన్టికెట్ఆశించిన నేతలతో పాటు, ముఖ్యమైన లీడర్లకు షబ్బీర్ గెలుపు కోసం పనిచేయాలని ఆదేశించింది.
ఢిల్లీ స్థాయిలో కసరత్తు
నిజామాబాద్అర్బన్ సెగ్మెంట్ కంగ్రెస్కు కంచుకోట. 1989, 1999, 2004 ఎన్నికల్లో గెలిచిన డి.శ్రీనివాస్ ఉమ్మడి రాష్ట్రంలో పీసీసీ అధ్యక్షుడిగా పనిచేశారు. సీఎం పీఠం వరించకపోయినా ఆ స్థాయి నేతగా గుర్తింపు పొందారు. 2009 ఎలక్షన్లో బీజేపీ గెలవగా, తెలంగాణ ఏర్పడిన తర్వాత జరిగిన 2014, 18 ఎన్నికల్లో బీఆర్ఎస్ గెలిచింది. హ్యాట్రిక్ కోసం ప్రయత్నిస్తున్న బీఆర్ఎస్ను కట్టడి చేయడంతో పాటు తమ కంచుకోటలో తిరిగి జెండా పాతాలని కాంగ్రెస్ కసరత్తు చేస్తుంది.
అర్బన్ నుంచి బరిలో నిలిచేందుకు 13 మంది లీడర్లు అర్జీ పెట్టుకోగా, ప్రతి ఒక్కరి గురించి క్షుణ్నంగా స్టడీ చేసింది. సెగ్మెంట్లో ఓటు బ్యాంక్ అధికంగా ఉన్న సామాజిక వర్గాల లీడర్లు టీపీసీసీ వర్కింగ్ ప్రెసిడెంట్ మహేశ్గౌడ్, మాజీ మేయర్ డి.సంజయ్, మైనార్టీ నేత తాహెర్ పేర్లను ఫైనల్చేసి ఢిల్లీకి పంపారు. మైనార్టీ సామాజిక వర్గానికి చెందిన బలమైన లీడర్ అయితే విజయ అవకాశాలు ఉంటాయని సర్వే రిపోర్టులు సూచించిన నేపథ్యంలో అనూహ్యంగా షబ్బీర్అలీకు టికెట్ కేటాయించారు.
ఆచితూచి అడుగులు..
కామారెడ్డికి చెందిన షబ్బీర్ అలీని అర్బన్కు పంపే విషయంలో హైకమాండ్ ఆచితూచిగా అడుగులు వేసింది. సీనియర్ లీడర్లు టికెట్ ఆశించిన నేపథ్యంలో షబ్బీర్ రాకను వారు ఎలా స్వీకరిస్తారోననే డౌట్తో జాగ్రత్తలు వ్యవహరించి సెకెండ్లిస్ట్లోనూ అభ్యర్థిని ఖరారు చేయలేదు. జిల్లాకు చెందిన సీనియర్ నేత, మాజీ మంత్రి సుదర్శన్రెడ్డి ద్వారా అర్బన్ టికెట్ రేసులో ఉన్న ఆశావహుల అంతరంగాన్ని తెలుసుకునే ప్రయత్నం చేసింది.
డి.శ్రీనివాస్ తర్వాత ఉమ్మడి జిల్లా కాంగ్రెస్లో ముఖ్య నేత అయిన షబ్బీర్ అలీ పట్ల వారంతా సానుకూలత వ్యక్తం చేశారు. తర్వాత ఆదివారం షబ్బీర్ అలీ కూడా మెదక్ జిల్లా రామాయంపేట సమీపంలోని తన ఫాంహౌస్లో నిజామాబాద్ ముఖ్య లీడర్లతో సమావేశమయ్యారు. అర్బన్అభ్యర్థిగా షబ్బీర్ను ప్రతిపాదిస్తూ నగర నేతలు సోమవారం నామినేషన్ దాఖలు చేశారు. ఈ నెల 9న టీపీసీసీ అధ్యక్షుడు రేవంత్రెడ్డితో వచ్చి షబ్బీర్ అలీ నామినేషన్ వేయనున్నారు.
