కొత్తగూడ,(గంగారం) వెలుగు : మహబూబాబాద్ జిల్లా గంగారం మండలం చింతగూడెంలో తండ్రి చేయించిన కటింగ్ స్టైల్ నచ్చలేదంటూ 6వ తరగతి స్టూడెంట్ పురుగుల మందు తాగి ఆత్మహత్య చేసుకున్నాడు. ఎస్ఐ రవికుమార్కథనం ప్రకారం చింతగూడెం గ్రామానికి చెందిన రేషన్ డీలర్ఈసం కాంతారావుకు ఇద్దరు కొడుకులు. చిన్న కొడుకు హర్షవర్ధన్(9) గూడూరు మండలం సీతానాగారం గిరిజన ఆశ్రమ హైస్కూల్లో 6 వతరగతి చదువుతున్నాడు. వేసవి సెలవులు ఇవ్వడంతో ఇంటి దగ్గరే ఉంటున్నాడు. ఈనెల 25న కాంతారావు తన కొడుకు హర్షవర్ధన్కు కటింగ్ చేయించాడు.
ఆ కటింగ్స్టైల్ బాగా లేదని తండ్రితో గొడవ పెట్టుకోగా, సర్ధి చెప్పి ఇంటికి తీసుకువచ్చాడు. తల్లిదండ్రులు ఇంటి వెనక పని చేసుకుంటుండగా లోపలున్న హర్షవర్ధన్ పురుగుల మందు తాగాడు. వాంతులు చేసుకుంటుండడంతో ఏమైందని అడగ్గా ‘నాకు ఈ కటింగ్ స్టైల్నచ్చలే...అయినా నువ్వు నీకు నచ్చినట్టే చేయించినవ్. అందుకే పురుగుల మందు తాగినా’ అని సమాధానమిచ్చాడు. వెంటనే నర్సంపేటకు, అక్కడి నుంచి హైదరాబాద్కు తరలించగా చికిత్స పొందుతూ గురువారం చనిపోయాడు.
