గచ్చిబౌలి, వెలుగు: ఎన్ఆర్ఐ మహిళను అని.. ఫుడ్ బిజినెస్, బ్యూటీ పార్లర్ ఉన్నాయని, ఇన్వెస్ట్ చేస్తే ఎక్కువ రిటర్న్స్ఇస్తానని చెప్పి రూ.3.06 కోట్లు వసూలు చేసింది. ఇన్వెస్ట్ చేసిన తర్వాత రిటర్న్స్ఇవ్వకపోగా.. పోలీసు అధికారులు తెలుసంటూ బ్లాక్ మెయిల్చేసింది. దీంతో బాధితులు సైబరాబాద్ పోలీసులను ఆశ్రయించాడు. సైబరాబాద్ ఎకనామిక్ అఫెన్సెస్ వింగ్ పోలీసులు కేసు నమోదు చేసి మహిళను అరెస్ట్ చేశారు.
ఈవోడబ్ల్యూ డీసీపీ ప్రసాద్ తెలిపిన ప్రకారం.. శేరిలింగంపల్లి నల్లగండ్లకు చెందిన పానుగంటి ఇందిరాదేవిరెడ్డి(29) ఎన్ఆర్ఐ మహిళాగా ఓ వ్యక్తిని పరిచయం చేసుకుంది. తన ఫుడ్బిజినెస్ లో పెట్టుబడులు పెడితే భారీగా రిటర్న్స్ఇస్తానని చెప్పి రూ. కోటి తీసుకుంది. రిటర్న్స్ఇవ్వకపోవడంతో బాధితుడు మాదాపూర్పోలీసులను కంప్లయింట్ చేశారు. పోలీసులు కేసు నమోదు చేసి ఇందిరాదేవిరెడ్డి అరెస్ట్ చేసి జైలుకు పంపారు.
ఈ కేసులో భాగంగా ఆమె ఒక అడ్వకేట్ను సంప్రదించి.. అతని భార్యను పరిచయం చేసుకుంది. ఆ అడ్వకేట్భార్య ద్వారా ఇందిరాదేవిరెడ్డికి మదీనగూడకు చెందిన ట్యాక్స్కన్సల్టెంట్సత్యనారాయణను పరిచయం చేసుకుంది. బ్యూటీ పార్లర్ఉందని, నాగోల్కు దేవి ఫుడ్స్ఇండస్ర్టీ ఉందని చెప్పింది. మాదాపూర్, గచ్చిబౌలి, నార్సింగి ఏరియాల్లో గేటేడ్ కమ్యూనిటీల్లోని అపార్ట్మెంట్లలో ఫ్లాట్స్ ఉన్నాయని నమ్మించింది.
తన ఇండస్ర్టీలో ఇన్వెస్ట్ చేస్తే భారీగా రిటర్న్స్ ఇస్తానని నమ్మించగా.. సత్యనారాయణ రూ.3.06 కోట్లు ఇచ్చాడు. ఆ తర్వాత అతని వద్ద ఆమె రెండు కార్లను కూడా తీసుకుంది. వీటితో పాటు తన ఇద్దరు ఫ్రెండ్స్పోలీసు అధికారులు అని చెప్పి రెండు ఐఫోన్లు, ఒక వన్ప్లస్ఫోన్ అతనితో కొనుగోలు చేయించి తీసుకుంది. కొద్దిరోజుల తర్వాత సత్యనారాయణ తను ఇన్వెస్ట్ చేసిన డబ్బులు, కార్లను తిరిగి ఇవ్వాలని ఇందిరాదేవిరెడ్డిని అడిగితే కేసులు పెట్టిస్తానని బ్లాక్మెయిల్చేసింది.
దీంతో బాధితుడు సైబరాబాద్ పోలీసులకు కంప్లయింట్ చేయగా ఈఓడబ్ల్యూ పోలీసులు కేసు నమోదు చేసి ఇందిరాదేవిరెడ్డిని అరెస్ట్ చేశారు. ఆమె వద్ద రెండు కార్లు, ఒక ఫోన్స్వాధీనం చేసుకున్నారు.
