బోర్లే దిక్కు!..మిషన్ భగీరథ ద్వారా డిమాండ్కు తగ్గట్టు నో సప్లయ్

ప్రత్యామ్నాయ మార్గాలపై అధికారుల నజర్
పనిచేస్తున్న బోర్ల లెక్కలు తీస్తున్న యంత్రాంగం
పాడైన వాటికి రిపేర్లు, కొత్త బోర్ల తవ్వకంపై దృష్టి
వేసవిలో నీటి ఎద్దడి నివారణకు ముందస్తు చర్యలు

కామారెడ్డి, వెలుగు : జిల్లాలో మిషన్ భగీరథ ద్వారా డిమాండ్కు తగ్గట్లు తాగునీటి సప్లయ్ లేదు. దీంతో అధికారులు ప్రత్యామ్నాయ మార్గాలపై దృష్టి సారించారు. స్థానికంగా ఉన్న నీటి వనరులను ఉపయోగించుకోవడంపై నజర్ పెట్టారు. అవసరమైన చోట్ల కొత్త బోర్ల తవ్వకం, పైపులైన్లలో లీకేజీలు అరికట్టేందుకు చర్యలు చేపడుతున్నారు. రిపేర్లెవైనా ఉంటే తక్షణమే చేయించాలని కలెక్టర్ జితేశ్ వీ పాటిల్ సంబంధిత అధికారులకు ఆదేశించారు. జిల్లాలో 526 పంచాయతీలున్నాయి. ఇటీవల ప్రభుత్వం గ్రామాలవారీగా వాటర్ సప్లయ్పై సమాచారం సేకరించింది. ఆర్డబ్ల్యూఎస్ ఇంజినీర్లు, పంచాయతీ సెక్రెటరీలు

స్పెషల్ ఆఫీసర్ల ద్వారా క్షేత్రస్థాయి నుంచి వివరాలు తీసుకున్నారు. గ్రామాల్లో ఉన్న బోర్ల సంఖ్య, ఇందులో పని చేస్తున్న బోరు మోటార్లు, హ్యాండ్ పంప్లు, ఓహెచ్ఎస్ఆర్ కనెక్షన్ మోటార్లు తదితర సమాచారాన్ని సేకరించారు. జిల్లాలో 263 హ్యండ్పంప్ సెట్లుండగా వీటిలో 165 పనిచేస్తున్నాయి. 3,386 సింగిల్ ఫేజ్ మోటార్లకు గాను 2,940 కండీషన్లో ఉన్నాయి.1,243 పీడబ్ల్యూఎస్ మోటార్లుండగా ఇందులో 1,090 వర్క్ చేస్తున్నాయి.1,463 వాటర్ ట్యాంక్లు ఉన్నాయి.

ఇదీ పరిస్థితి..

జిల్లాలోని తాడ్వాయి, గాంధారి, సదాశివ్నగర్, రామారెడ్డి, పిట్లం, లింగంపేట, రాజంపేట, జుక్కల్, మాచారెడ్డి మండలాల్లోని పలు గ్రామాల్లో తాగునీటి ఎద్దడి ఉంది. ఆయా గ్రామాల్లో పనిచేయని బోర్లను రిపేర్ చేయించడం, లీకేజీలను అరికట్టడానికి చర్యలు తీసుకున్నారు. జిల్లావ్యాప్తంగా 278 చోట్ల పైపులైన్ల లీకేజీలు, పైపులైన్లు వేయడంతో పాటు ట్యాంకుల రిపేర్లకు రూ.3.61 కోట్లు ఖర్చు అవుతుందని అంచనా వేశారు. ఇప్పటికే కొన్ని చోట్ల రిపేర్లు చేయించారు.15వ ఆర్థిక సంఘం నిధులతో పాటు ఎమ్మెల్యేలు, పంచాయతీ ఫండ్స్ వినియోగించనున్నారు. ఈ నెల 15 లోగా రిపేర్లు కంప్లీట్ చేయాలని ఆఫీసర్లు ఆదేశించారు.

మున్సిపాలిటీల్లోనూ..

మున్సిపాలిటీల్లో నీటి సమస్య రాకుండా చూడాలని కమిషనర్లను కలెక్టర్ ఆదేశించారు. కామారెడ్డి, ఎల్లారెడ్డి, బాన్సువాడల్లో డిమాండ్కు అనుగణంగా మిషన్ భగీరథ ద్వారా నీటి సరఫరా లేదు. ఎండలు ఎక్కువైతే సమస్య మరింత తీవ్రం కానుంది. కామారెడ్డిలో ప్రతిరోజూ 12 ఎంఎల్డీ నీళ్లు సప్లయ్ చేయాల్సి ఉండగా 8.5 ఎంఎల్డీ నీళ్లను మాత్రమే సప్లయ్ చేస్తున్నారు. అది కూడా రోజు విడిచి రోజు నీళ్లను విడుదల చేస్తున్నారు. టౌన్లోని పలు కాలనీల్లో నీటి సమస్య తీవ్రంగా ఉంది. అక్కడక్కడ లీకేజీలు ఉన్నాయి. ఇటీవల మున్సిపల్ మీటింగ్లో అత్యవసరంగా బోర్లను రిపేర్ చేయించాలని, వాటర్ ట్యాంకుల ద్వారా సప్లయ్కు చర్యలు చేపట్టాలని సభ్యులు కోరారు.