- 2004 సునామీ టైంలో జన్మించిన జిరాఫీ
- 2009లో ఎక్స్‌‌‌‌‌‌‌‌‌‌‌‌‌‌‌‌ఛేంజ్లో భాగంగా ఢిల్లీ నుంచి సిటీకి రాక
- జూపార్కులో మిగిలింది ఇక ఒక్క జిరాఫీనే..
హైదరాబాద్సిటీ, వెలుగు: సిటీలోని నెహ్రూ జూలాజికల్పార్కులో 15 ఏండ్లపాటు సందర్శకులను ఆకట్టుకున్న మగ జిరాఫీ ‘సునామీ బసంత్’ సోమవారం రాత్రి 11.30 గంటలకు మృతి చెందినట్టు అధికారులు తెలిపారు.
వయోభారం కారణంగానే కన్నుమూసిందని మంగళవారం ఓ ప్రకటనలో చెప్పారు. 2004లో సునామీ సమయంలో ఢిల్లీలోని నేషనల్జూలాజికల్పార్క్లో ఈ జిరాఫీ జన్మించింది.
అందుకే సునామీ బసంత్అని పేరు పెట్టారు. పార్కుల మధ్య జంతుల ఎక్స్ఛేంజ్కార్యక్రమంలో భాగంగా ఈ జిరాఫీని 2009లో హైదరాబాద్జూ పార్క్కు తీసుకువచ్చారు. రెండేండ్లుగా సునామీ బసంత్ఆర్థ్రయిటీస్ తో బాధపడుతోంది. వెటర్నరీ డాక్టర్లు ఎంఏ హకీం పర్యవేక్షణలో చికిత్స జరిగింది. అయినా దాని ప్రాణాలు దక్కలేదు.
ఇక ఒక్క జిరాఫీనే..
సునామీ బసంత్మరణంతో ప్రస్తుతం హైదరాబాద్ జూ పార్క్లో కేవలం ఒకేఒక్క మగ జిరాఫీ(సన్నీ) మాత్రమే ఉందని అధికారులు తెలిపారు. రాజేంద్ర నగర్ వీబీఆర్ఐ, వెటర్నరీ కాలేజీ నిపుణులు, సీసీఎంబీకి చెందిన వైద్యనిపుణుల సమక్షంలో సునామీ బసంత్పోస్ట్మార్టం నిర్వహించారు. తదుపరి పరీక్షల నిమిత్తం నమూనాలను వీబీఆర్ఐకి అందజేశారు.
హైదరాబాద్జూ పార్క్ డైరెక్టర్డా.సునీల్ఎస్ హిరేమత్ఇతర స్టాఫ్ మెంబర్స్ జిరాఫీకి ఘన నివాళులర్పించారు. డైరెక్టర్సునీల్హిరేమత్మాట్లాడుతూ జూ పార్క్కు ఒక స్టార్అట్రాక్షన్గా ఉన్న జిరాఫీ సునామీ బసంత్ మరణించడం బాధించిందన్నారు.
