- వినతులు స్వీకరించిన కలెక్టర్లు, అధికారులు
సంగారెడ్డి టౌన్, వెలుగు : ప్రజావాణికి వచ్చే దరఖాస్తులకు సత్వరమే పరిష్కరించాలని కలెక్టర్క్రాంతి అధికారులను ఆదేశించారు. సోమవారం సంగారెడ్డి కలెక్టరేట్లో ప్రజల నుంచి వినతులు స్వీకరించారు. జిల్లాలోని వివిధ ప్రాంతాల నుంచి వచ్చిన అర్జీదారులు 55 దరఖాస్తులు అందించారు. వీటిలో రెవెన్యూ 35, మార్క్ఫెడ్2, సర్వే ల్యాండ్ రికార్డ్ 2, పంచాయతీ పీటీ విభాగం 2, పంచాయతీరాజ్ 1, డీఆర్డీవో 3, పురపాలక సంఘం 6.
విద్యాశాఖ1, ఎక్సైజ్ 2, రవాణా శాఖ నుంచి ఒక ఫిర్యాదు ఉన్నాయి. ఈ సందర్భంగా కలెక్టర్మాట్లాడుతూ.. శాఖల వారీగా పెండింగ్ లో ఉన్న సమస్యలను ఆన్లైన్లో అప్లోడ్చేయాలన్నారు. ఈ సందర్భంగా రుణమాపీ కానీ రైతులు కలెక్టర్కు వినతిపత్రం అందించారు. కార్యక్రమంలో అడిషనల్కలెక్టర్లు చంద్రశేఖర్, మాధురి, డీఆర్వో పద్మజారాణి, వివిధ శాఖల జిల్లా అధికారులు ఉన్నారు.
సిద్దిపేట టౌన్ : సమస్యల పరిష్కారం కోసం వచ్చిన ప్రతి ఒక్కరికీ న్యాయం చేసే విధంగా అధికారులు పని చేయాలని అడిషనల్ కలెక్టర్ శ్రీనివాస్ రెడ్డి సూచించారు. సిద్దిపేట కలెక్టరేట్ లో నిర్వహించిన ప్రజావాణి కార్యక్రమంలో అర్జిదారుల నంచి వినతులను స్వీకరించారు. ఈ సందర్భంగా ఆయన మాట్లాడుతూ.. ప్రజావాణి గొప్ప కార్యక్రమమని, సామాన్యులకు అందుబాటులో ఉండి సమస్యలను విన్నవించుకుని పరిష్కరించుకోవడానికి చక్కని వేదిక అన్నారు.
ఈ సందర్భంగా నకిలీ విత్తనాలు అమ్మి పంట నష్టపోవడానికి కారణమైన సీడ్స్ షాప్ పై చర్యలు తీసుకోవాలని కోరుతూ దుద్దెడ గ్రామానికి చెందిన పాతల రాములు అడిషనల్ కలెక్టర్కు వినతిపత్రం అందజేశారు. అనంతరం ప్రజావాణికి భూ సంబంధిత, డబుల్ బెడ్ రూం, ఆసరా, తదితర సమస్యల పై 22 దరఖాస్తులు వచ్చినట్లు అడిషనల్ కలెక్టర్తెలిపారు. డీఆర్ వో లక్ష్మి కిరణ్, డీఆర్డీవో జయదేవ్ ఆర్యా, జిల్లా అధికారులు పాల్గొన్నారు.
