- అదనపు బాధ్యతలతో ఇన్చార్జులపై భారం
- ఏండ్లు గడుస్తున్నా మారని పరిస్థితి
నిజామాబాద్, వెలుగు : జిల్లాలోని ఇంపార్టెంట్ గవర్నమెంట్ శాఖల్లో రెగ్యులర్ అధికారులు లేక, ఇన్చార్జ్ ఆఫీసర్లతోనే నెట్టుకొస్తున్నారు. ఒకే అధికారి రెండు మూడు శాఖలకు బాధ్యతలు చూడాల్సి రావడంతో వారిపై పనిభారం పడుతోంది. కొన్ని శాఖల్లో ఏళ్ల తరబడి రెగ్యులర్ అధికారులు లేకపోవడం వల్ల ప్రజలకు సరైన సేవలు అందడం లేదు.
మెడికల్ డిపార్ట్ మెంట్లో అయిదేండ్లు మించి..
జిల్లాలో పీహెచ్సీలను పర్యవేక్షించే డీఎంహెచ్ వో పోస్టులో ఐదేండ్ల నుంచి డాక్టర్ సుదర్శనం ఇన్చార్జి గా కొనసాగుతున్నారు. లెప్రసీ అధికారిగా ఆయన వచ్చారు. డీఎంహెచ్వో చైర్లో పూర్తి స్థాయి ఆఫీసర్ రావడం లేదు. డాక్టర్ వెంకటి బదిలీ తర్వాత తాత్కాలికంగా సుదర్శనంను నియమిస్తున్నట్లు డిపార్ట్మెంట్ ప్రకటించింది. మధ్యలో వచ్చిన డాక్టర్ బాలమూర్తి నాలుగు నెలలు డీఎంహెచ్వోగా పనిచేశారు. ఆయన హఠాన్మరణం తర్వాత మళ్లీ సుదర్శనం కంటిన్యూ అవుతున్నారు. కీలకమైన డీఎంహెచ్వో పోస్ట్లో ఆయన కొనసాగుతున్నందున, లెప్రసీ విభాగంపై పర్యవేక్షణ కొరవడింది.
రెండు చోట్ల నుంచి పని..
కమ్యూనిటీ, ఏరియా, జిల్లా ఆస్పత్రులు వైద్య విధాన పరిషత్లో ఉంటాయి. వీటిని డీసీహెచ్ఎస్ పర్యవేక్షిస్తారు. ప్రస్తుతం ఈ పోస్టులో ఉన్న శివశంకర్ రెండు చోట్లనుంచి పనిచేయాల్సి వస్తుంది. నిజామాబాద్లో మెడికల్ కాలేజీ స్టార్ట్ అయ్యాక జీజీహెచ్ ఏర్పడింది. దీంతో అక్కడి జిల్లా హాస్పిటల్ను బోధన్ కు తరలించారు. నిబంధనల ప్రకారం జిల్లా హాస్పిటల్సూపరింటెండెంట్ డీసీహెచ్ఎస్గా వ్యవహరిస్తారు. ఈ క్రమంలో వచ్చిన డాక్టర్ శివశంకర్ బోధన్ జిల్లా హాస్పిటల్లో సూపరింటెండెంట్ పోస్టింగ్ తీసుకొని, నిజామాబాద్ కలెక్టరేట్లో డీసీహెచ్ఎస్గా విధులు విధులు నిర్వహిస్తున్నారు. ఆయన ఒక చోట ఉన్నప్పుడు మరో చోట సేవలు ఎఫెక్ట్ అవుతున్నాయి
పోలీస్శాఖకు ఇన్చార్జే
జిల్లా పోలీస్ చరిత్రలో ఎప్పుడూలేని రీతిలో ఇన్చార్జి పాలన నడుస్తోంది. మార్చి నెలాఖరు కమిషనర్నాగరాజ్ రిటైర్మెంట్తర్వాత, నిర్మల్ఎస్పీ ప్రవీణ్కుమార్ను ఇన్చార్జిగా నియమించారు. మూడు అదనపు కమిషనర్ పోస్టులు ఇప్పటికీ ఖాళీగా ఉన్నాయి.
మంత్రి ఇలాకాలోనూ..
భీంగల్ మున్సిపల్ ఇన్చార్జి కమిషనర్గా దాదాపు రెండేండ్ల నుంచి వేల్పూర్ తహసీల్దార్ రాజేందర్ పనిచేస్తున్నారు. 2020 లోకల్బాడీ ఎన్నికలప్పుడు కొత్తగా ఈ మున్సిపాలిటీ ఏర్పడింది. మంత్రి ప్రశాంత్రెడ్డి నియోజకవర్గం పరిధిలోని ఈ మున్సిపాలిటీకి కమిషనర్గా గోపు గంగాధర్ కొంతకాలం పనిచేసి, జగిత్యాల ట్రాన్స్ఫర్ అయ్యారు. అప్పటి నుంచి రాజేందర్ ఇన్చార్జిగా వ్యవహరిస్తున్నారు.
మైనార్టీ, బీసీ వెల్ఫేర్..
బీసీ వెల్ఫేర్కుర్చీ ఏడాదికి పైగా ఖాళీగా ఉంది. అసిస్టెంట్ఆఫీసర్పల్లె నర్సయ్యకు ఇన్చార్జి ఇచ్చారు. అంతకు ముందు కామారెడ్డి బీసీ సంక్షేమ శాఖ ఆఫీసర్ను కొంతకాలం కొనసాగించారు. మైనార్టీ వెల్ఫేర్కు ఎస్సీ కార్పొరేషన్ ఈడీ రమేశ్ ఇన్చార్జిగా పనిచేస్తున్నారు.
మున్సిపల్ కమిషనర్గా..
నిజామాబాద్ మున్సిపల్ కార్పొరేషన్ జనాభా 5 లక్షలకు పైగా ఉంది. ఐఏఎస్ అధికారి జితేశ్ వీ పాటిల్ ఇక్కడి కమిషనర్గా పనిచేసి, 2021, సెప్టెంబర్ లో కామారెడ్డి జిల్లా కలెక్టర్గా ప్రమోషన్పై వెళ్లారు. అప్పటి నుంచి అదనపు కలెక్టర్(లోకల్బాడీస్) చిత్రామిశ్రాకు ఇన్చార్జి బాధ్యతలు అప్పగించారు. ఆమె మున్సిపల్ ఆఫీస్కు రాని సందర్భంలో కలెక్టరేట్లోని ఆమె ఛాంబర్కు సిబ్బంది ఫైల్స్ తీసుకెళ్లాల్సిన పరిస్థితి నెలకొంది. పూర్తి స్థాయి కమిషనర్ లేకపోవడంతో పాలన గాడితప్పుతోంది. టౌన్ప్లానింగ్స్టాఫ్పై తీవ్ర అవినీతి ఆరోపణలు వస్తున్నాయి.
