- తవ్విన బొగ్గంతా డిస్పాచ్చేసిన్రు
భద్రాద్రికొత్తగూడెం, వెలుగు: భద్రాద్రికొత్తగూడెం జిల్లా కొత్తగూడెం ఏరియాలోని జేవీఆర్ఓసీ ఒక్క ఏడాదిలో పది మిలియన్ టన్నుల బొగ్గును తవ్వి, రవాణా చేసి సింగరేణిలో సరికొత్త రికార్డును సొంతం చేసుకుంది. 130 ఏండ్లకు పైగా చరిత్ర కలిగిన సింగరేణి కంపెనీలో కొత్తగూడెం ఏరియాలోని జేవీఆర్ ఓపెన్ కాస్ట్ఈ ఆర్థిక సంవత్సరంలో నిర్దేశించిన పది మిలియన్ టన్నుల బొగ్గు ప్రొడక్షన్తో పాటు ట్రాన్స్పోర్టు చేసింది. జేవీఆర్ఓసీలో షవల్స్, డోజర్స్, లోడర్స్, డంపర్స్, సపోర్ట్ షవల్స్, డ్రిల్స్, గ్రేడర్స్, వాటర్ట్యాంకర్స్అన్ని కలిపి దాదాపు 61 వరకు ఉన్నాయి.
బొగ్గు ఉత్పత్తిలో ఈ ఓసీ మెషినరీ కీలక పాత్ర పోషిస్తోంది. జేవీఆర్ఓసీ 2005–06 ఆర్థిక సంవత్సరంలో సత్తుపల్లిలో కొత్తగూడెం ఏరియా కింద సింగరేణి యాజమాన్యం ఏర్పాటు చేసింది. మొదట్లో కొంత ఒడిదొడుకులు ఎదుర్కొన్నప్పటికీ ఉత్పత్తిలో రారాజుగా జేవీఆర్ ఓసీపీ వెలుగొందుతోంది. ఈ ఆర్థిక సంవత్సరంలో వంద లక్షల టన్నుల బొగ్గు ఉత్పత్తి లక్ష్యంగా చేసుకొని ముందుకు సాగుతున్న క్రమంలో జూన్ నుంచి ఆగస్టు వరకు నిరంతరంగా కురిసిన వర్షాలతో కొంత ఆటంకం కలిగింది. అయినప్పటికీ అధికారులు, కార్మికులు సమష్టిగా కృషి చేసి వంద మిలియన్టన్నుల బొగ్గును ఉత్పత్తి చేసి సత్తా చాటారు.
కొత్తగూడెం ఏరియాలోని కిష్టారం ఓపెన్ కాస్ట్లో ఈ ఆర్థిక సంవత్సరం 20 లక్షల టన్నుల బొగ్గు ఉత్పత్తి లక్ష్యం కాగా నెలాఖరు నాటికి లక్ష్యాన్ని సాధించింది. గతంలో ఏరియా జీఎం పనిచేసి ప్రస్తుతం కార్పొరేట్ ప్రాజెక్ట్ ప్లానింగ్లో సీజీఎంగా పనిచేస్తున్న నర్సింహారావుతో పాటు ప్రస్తుతం పని చేస్తున్న జనరల్మేనేజర్జక్కం రమేశ్ప్లానింగ్వల్లే వంద మిలియన్ టన్నుల బొగ్గు ఉత్పత్తి లక్ష్యం సాధ్యమైందని కార్మికులు పేర్కొంటున్నారు.
సమష్టి కృషి ఫలితమే..
అధికారులు, ఉద్యోగులు, కార్మికుల సమష్టి కృషి ఫలితంగానే జేవీఆర్ఓసీలో వంద మిలియన్టన్నుల బొగ్గు ఉత్పత్తి చేయడంతో పాటు రవాణా చేయగలిగాం. ఇదే ఏరియాలోని కిష్టారం ఓసీ ఈ ఆర్థిక సంవత్సరంలో కేటాయించిన 20 లక్షల బొగ్గు ఉత్పత్తి లక్ష్యాలను సాధించడం అభినందనీయం. ఇదే స్ఫూర్తితో వచ్చే ఆర్థిక సంవత్సరంలోనూ నిర్దేశిత లక్ష్యాలను సాధిస్తాం. – జక్కం రమేశ్, జనరల్మేనేజర్, కొత్తగూడెం ఏరియా
సింగరేణిలో సరికొత్త రికార్డ్
సింగరేణిలోనే జేవీఆర్ఓసీ సరికొత్త రికార్డ్సృష్టించింది. వంద మిలియన్ టన్నుల బొగ్గును ఉత్పత్తి చేయడంతో పాటు రవాణా చేయడం ఒక అద్భుతం. ఇందుకు కృషి చేసిన అధికారులు, కార్మికులకు ప్రత్యేక అభినందనలు. జేవీఆర్ఓసీతో పాటు ఒడిశాలోని నైనీ ప్రాజెక్ట్ నుంచి పెద్ద మొత్తంలో వచ్చే ఆర్థిక సంవత్సరంలో బొగ్గు ఉత్పత్తికి ప్లాన్ చేస్తున్నాం. – ఎన్. బలరాం, డైరెక్టర్, సింగరేణి కాలరీస్ కంపెనీ
