- వరంగల్ జిల్లా అలంకానిపేటలో తీవ్ర విషాదం
నెక్కొండ, వెలుగు: క్యాన్సర్ తో ట్రైనీ కానిస్టేబుల్ చనిపోయిన ఘటన వరంగల్ జిల్లాలో జరిగింది. నెక్కొండ మండలం అలంకానిపేటలో తీవ్ర విషాదం నెలకొంది. స్థానికులు తెలిపిన ప్రకారం.. గ్రామానికి చెందిన చీకటి ఉపేందర్,-యాకలక్ష్మి దంపతుల కొడుకు రాకేశ్(24) టీఎస్పీఎస్ సివిల్కానిస్టేబుల్గా ఎంపికై హైదరాబాద్లో శిక్షణ పొందుతున్నాడు. 15 రోజుల కింద అతనికి తీవ్ర జ్వరం రావడంతో ఒమెగా హాస్పిటల్ లో జాయిన్ చేశారు.
డాక్టర్లు టెస్టులు చేయడంతో క్యాన్సర్ గానిర్ధారణ అయింది. అక్కడ చికిత్స పొందుతూనే రాకేశ్ సోమవారం ఉదయం మృతి చెందాడు. ఈనెల 27న అతడు డ్యూటీలో జాయిన్ కావాల్సి ఉంది. జాబ్చేసి కుటుంబానికి అండగా ఉంటాడని, ఒక్కగానొక్క కొడుకు అకాల మృతితో తల్లిదండ్రులు కన్నీరుమున్నీరుగా విలపించారు.
